Charlie Hebdo. Մի ծիծաղեք, Լեռնային Ղարաբաղը մեզ էլ է վերաբերվում
Ռազմատենչ և վրեժխնդիր Թուրքիայի և նույնքան ռազմատենչ և էքսպանսիոնիստ Ադրբեջանի միջև ընկած լինելով՝ Լեռնային Ղարաբաղի հայերը հայտնվել անելանելի դրության մեջ ու ունեն հստակ տպավորություն, որ մոռացված են եվրոպական ժողովրդավարությունների կողմից։ Լեռնային Ղարաբաղի հակամարտության մասին գրել է ֆրանսիական Charlie Hebdo-ն։
«Հայաստանի և Ադրբեջանի միջև ամսից ավել ռազմական առճակատումը յուրաքանչյուրիս կոչ է անում կողմ ընտրել։ Ես իմ կողմից, առանց որևէ վերապահման, Հայաստանի կողմից եմ և նրա ժողովրդի իրավունքն է ապրել՝ առանց մշտապես դիմակայելու Թուրքիայի և Ադրբեջանի կրկնակի շրջափակման, առանց ռազմական հարձակման և պոտենցիալ ներխուժման, առանց մտածելու իրենց գոյությանը սպառնացող վտանգի մասին»,- գրել է Charlie Hebdo-ն։
Բոլորը կհասկանան, որ Հայաստանում, ինչպես հայկական սփյուռքում, կա մտավախություն, որ 1915-ից հետո նոր ցեղասպանություն տեղի կունենա: Սա խնդրի մի մասն է, բայց դա միակը չէ: Նշվում է, որ «այս պատերազմը մեզ բոլորիս է վերաբերում, քանի որ մենք գիտենք դրա պատճառները», հիշեցնում տարածաշրջանի տարածքային անհեթեթ «մորթը» Ստալինի ու բոլշևիկների կողմից։
Ադրբեջանցիների ցանկությունը հստակ համապատասխանում է Էրդողանի ռազմական նպատակին. Թուրքիայի և Կասպից ծովի միջև տարածքային շարունակականություն հաստատել՝ 95% հայերով բնակեցված Լեռնային Ղարաբաղի տարածքը Ադրբեջանին միացնելով։
«Օսմանյան նեո-խալիֆայության այս նախագիծը, որը հիմնվում է նաև ոչ ազատական ժողովրդավարության, անսանձ ազգայնականության և իսլամի ռեակցիոն ընկալման վրա, հակասում է Եվրոպայի շահերին: Դա հակասում է հանդուրժողականությանը, բազմակարծությանը, փոքրամասնությունների նկատմամբ հարգանքին, որոնք մեր արժեքների հիմքն են: Եվրոպական արժեքների պաշտպանության գիծը գտնվում է Երևանում և Ստեփանակերտում, և որպեսզի այդ գծերը տեղի չտան, պետք է աջակցել Հայաստանին:
Մնում է Լեռնային Ղարաբաղի ճակատագիրը: Հիմա պե՞տք է ճանաչել նրա անկախությունը, թե՞ սպասել, որ ժողովուրդը քվեարկի ԵԱՀԿ-ի կողմից վերահսկվող ժողովրդավարական քվեարկության ժամանակ: Դիվանագիտությունն ու միջազգային իրավունքը թեքվում են դեպի երկրորդ լուծումը, իրատեսությունն ու խիղճը դեպի առաջինը։
Ըստ էության, արդյո՞ք այդքան դժվար է պաշտպանել Լեռնային Ղարաբաղը եվրոպական ժողովրդավարությունների համար: Դա ընդամենը 150,000 մարդ է, ովքեր չեն ցանկանում սրբվել քարտեզից»,-գրում է կայքը։
Հոդվածի նկարն էլ այսպիսին է` դանակով ջիհադիստ, որն ասում է, թե սրանք քրդերից ավելի նուրբ են, քան քրդերը, ակնարկելով Թուրքիայի կողմից վարձկանների օգտագործումը հայերի ու քրդերի դեմ։
Լրահոս
Տեսանյութեր
Եթե այսպես շարունակվի, Հայաստանը կարժանանա Արցախի ճակատագրին. Հրայր Ուլուբաբյան
