Ձեր վստահելի աղբյուրը

Մասիսի քաղաքապետ Դավիթ Համբարձումյանն ազատ է արձակվել։ Նա այդ մասին գրել է ֆեյսբուքյան էջում։ 

«Հարգելի հայրենակիցներ, սիրելի մասիսցիներ: Այսօր, քիչ առաջ նույն քննիչը, ով երեկ ինձ ձերբակալեց ծիծաղելի կասկածանքով, որոշում է կայացրել ինձ ազատ արձակելու մասին: Ներկայիս իշխանության անտեղի ջղաձգումները պարզապես զավեշտալի են։

Ծնվել եմ հայ, ապրում եմ հայ, զավակներիս մեծացնում եմ հայ: Եվ երբեք չենք ամաչելու հայ լինելուց, այլապես ամեն ինչ անիմաստ է»,- գրել է նա։ 

Հիշեցնենք՝ այսօր ՀՔԾ-ն հայտնել էր, որ ՀՀ բարձրաստիճան պաշտոնատար անձանց, ինչպես նաև այլ անձանց կողմից օրենքով սահմանված կարգի խախտմամբ հավաքներ կազմակերպելու և անցկացնելու փաստի առթիվ ՀՀ հատուկ քննչական ծառայությունում հարուցված քրեական գործի շրջանակներում ձերբակալվել են 10 անձ։ Նրանց թվում էր նաև Դավիթ Համբարձումյանը։  Դավիթ Համբարձումյանը ձերբակալվել էր ՀՀ քրեական օրենսգրքի 225.1–րդ հոդվածի 1-ին մասով (оրենքով սահմանված կարգի խախտմամբ հավաքը դիտավորությամբ կազմակերպելը և անցկացնելը) նախատեսված հանցագործություն կատարելու կասկածանքով: