![](https://panorama.am/news_images/800/2399464_1/img_12112020_092858_790_x_444.thumb.jpg)
Համաճարակի հետևանքով ամենամեծ ռիսկի տակ են հայտնվել կոնֆլիտներից, բռնությունից և բնական աղետներից տուժածները
ՄԱԿ-ի նոր զեկույցի համաձայն կորոնավիրուսի հետևանքով ամենամեծ ռիսկի տակ են հայտնվել կոնֆլիտներից, բռնությունից և բնական աղետներից տուժածները: Ըստ զեկույցի՝ COVID-19-ը զսպելու ջանքերը հանգեցրել են տեղաշարժի, առք ու վաճառի, տնտեսական զարգացման աննախադեպ սահմանափակումների, ինչի արդյունքում համաշխարհային ճգնաժամ է ու սով: Այս մասին գրում է Ամերիկայի Ձայնը։
Սննդի համաշխարհային ծրագրի տվյալների համաձայն COVID-19-ին նախորդող շրջանում սովի մատնված մարդկանց թիվը կազմում էր 149մլն, սակայն մինչև տարեվերջ այդը թիվը կհասնի 270 միլիոնի:
Ներգաղթի միջազգային կազմակերպության խոսնակ Անգելա Ուելլսի խոսքերով հատկապես խոցելի են արտագնա աշխատողները, ովքեր հաճախ փոքր գումարի դիմաց աշխատում են ժամանակավոր և սեզոնային հիմունքներով:
«Տեղաշարժի ավելի քան 94,000 սահմանափակումներ են գործում մոտ 220 երկրներում, որոնք ուղղված են վիրուսը զսպելուն, սակայն նաև խոչընդոտում են աշխատանքի համար մարդկանց տեղաշարժին»,- ասում է նա:
Զեկույցի համաձայն՝ արտագնա աշխատանքն ապրուստի միջոց է հանդիսանում աշխարհում մոտ 800մլն մարդու համար: Սննդի համաշխարհային ծրագրի խոսնակ Թոմսոն Ֆիրիի խոսքերով արտագնա աշխատանքից ստացված գումարի բացակայության պայմաններում, աշխարհում սովի մակարդակի աճը անխուսափելի է:
«79 երկրներում անցկացված մեր վերլուծության արդյունքում ակնհայտ է, որ արտագնա աշխատանքից ստացված գումարների բացակայության պատճառով սովի մատնված մարդկանց թիվը կավելանա 33 միլիոնով»,- ասում է նա:
Երկու գործակալությունները կոչ են անում միջազգային համայնքին արձագանքել համաճարակի հասարակական և տնտեսական բացասական ազդեցությամբ պայմանավորված մարդասիրական աճող կարիքներին:
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան