Ձեր վստահելի աղբյուրը

Երկու ռուսական Ан -124 ինքնաթիռ Ուլյանովսկից Երևան են տեղափոխել շուրջ 30 խաղաղապահներ, ինչպես նաև զրահամեքենաներ: ՏԱՍՍ-ի հաղորդմամբ  ասյօր  լրագրողներին հայտնել է Ռուսաստանի պաշտպանության նախարարությունը:

Նախարարությունը հաստակեցրել է, որ մոտ 30 զինծառայող, ինչպես նաև 10 միավոև  BTR-82A զրահափոխադրիչ և նյութատեխնիկական ապահովման սարքավորումներ են տեղափոխվել Ан -124 ինքնաթիռներով:

«15-րդ խաղաղապահ բրիգադի ժամանած ստորաբաժանումները ռազմական շարասյունների բեռնաթափումից, զննումից և տեխնիկայի նախապատրաստումից հետո 300 կիլոմետրանոց շարասնունով շարժվելու են դեպի կենտրոնացման տարածք (Գորիս քաղաք)», - ավելացրել են ռազմական գերատեսչությունից:

Ռուս խաղաղապահների տեղափոխումը Լեռնային Ղարաբաղի հակամարտության գոտի ընթանում է համաձայն նոյեմբերի 9-ին Ռուսաստանի նախագահ Վլադիմիր Պուտինի, Ադրբեջանի նախագահ Իլհամ Ալիևի և ՀՀ վարչապետ Նիկոլ Փաշինյանի ՝ ԼՂ-ում  ամբողջական հրադադարի մասին համատեղ հայտարարության մեջ արձանագրված պայմանավորվածությունների:

Ենթադրվում է, որ այնտեղ ընդհանուր առմամբ կտեղակայվի 1960 զինծառայող, զրահատեխնիկա։ Ռուսական զորախմբի հիմքն են կազմում Կենտրոնական ռազմական օկրուգի 15-րդ մոտոհրաձգային բրիգադի ստորաբաժանումները: Խաղաղապահ գործողության հրամանատարական կետը տեղակայված է Ստեփանակերտում: