Վաղը հանրահավաք տեղի չի ունենալու (լրացված)
20.00
Հայտարարվեց հավաքի ավարտի մասին։ Վաղը հանրահավաք տեղի չի ունենալու։
19․45
Արթուր Վանեցյանը միացավ ցուցարարներին։
19․18
Հանրահավաքի մասնակիցները երթով շարժվեցին դեպի Հանրապետության հրապարակ, որտեղից էլ Արտաքին գործերի նախարարություն և Գլխավոր դատախազություն
18․25
Նիկոլ Փաշինյանը կասկածում է նույնիսկ Ձեզ, հարգելի սպաներ։Այս մասին Ազատության հրապարակում Նիկոլ Փաշինյանի հրաժարականի պահանջով հանրահավաքի ժամանակ ասաց ՀՅԴ անդամ Գեղամ Մանուկյանը:
«Դիմում եմ ոստիկանության, ԱԱԾ սպաներին, Նիկոլ փաշինյանն այնքան է վախենում, որ կասկածում է նույնիսկ Ձեզ, հարգելի սպաներ,որ դուք ձեր երդմանը հավատարին կապահովեք իր ընտանիքի անվտանգությունը։ Հարցրեք Ձեր վարչապատին այսքան տարի որևէ մեկին մազաչափ դավաճանած կա՞նք, որ դու չես վստահում մեզ, բերում ես կառավարական դաչեքումդ կրիմինալ ես լցնում։ Մարդ պատասխատվություն ունեցող սպաներին չի վստահում, փողոցի կրիմինալին է բերում»։
17։47
ԲՀԿ խմբակցության անդամ Իվետա Տոնոյանը, դիմելով Նիկոլ Փաշինյանին, ասաց. «Քո աթոռը պահելու համար պատրաստ ես քո հայրենակիցների արյունը թափել, պատրաստ ես հրահրել քաղաքացիական պատերազմ, քո ընտանիքի բարեկեցությունը, կուսակիցների աշխատավարձներն ու պարգևավճարները պահպանելու համար պատրաստ ես հենց այս հրապարակում բախումների արդյունքում զոհասեղանի դնես մեզանից յուրաքնաչյուրի կյանքը։ Բայց անգամ դա քեզ չի փրկելու։
Հասկանում եմ՝ ատելության, անհանդուրժողականության մթնլորոտի տարածումը քո կյանքի իմաստն է դարձել, քո ուղենիշն է դարձել, բաց խիղճ ունեցիր, Եռաբլուրում դեռ չի չորացել հազարավոր զինվորների գերեզմանների հողը, չի սառել սպանված Գառնիկ Պետրոսյանի դին, որին պարզպաես սպանել են Ազգային ժողովի դահլիճ մտնելու ու Արարատ Միրզոյանի աթոռին նստելու համար։ Ե՞րբ է հագենալու քո արյան ծարավը»։
ՀՅԴ ԳՄ անդամ Գեղամ Մանուկյանն ասաց, որ նախորդ հանրահավաքի օրը կազմակերպիչներին բոլորին նույն ժամին կանչել էին ՀՔԾ, իրենք էլ անկեղծ ասում են՝ «տղերք, բան էլ չունենք ձեզ հարցնելու, պրոստը մեկ ժամ պետք է մնաք, որ միտինգի չգնաք»։
«Հիմա այստեղ մյուսների հետ պետք է լիներ «Հայրենիք» կուսակցության նախագահ Արթուր Վանեցյանը։ Նրանք նորից կանչել են ԱԱԾ։ Լավ, լավ, ինչքան։ Քննիչներ, ոստիկաններ, մենք գիտենք, դուք մեզանից մեկն եք»,- ասաց Գ.Մանուկյանը։
17։26
ՀՅԴ ԳՄ անդամ Գեղամ Մանուկյանի հանրահավաքի ժամանակ ասաց. «Սրանք չեն հասկանում հայրենիքի կորստյան այդ զգացումը։ Չեն գիտակցում, թե ինչ են կորցրել։ Միգուցե նրանք չեն էլ կորցրել, որովհետև իրենցը չի եղել։ Հայ ժողովուրդը սգում է, հայ ժողովուրդը ողբում է այդ կորուստը։ Թերևս պատահական չէ, որ Արցախի թեմի 30 տարվա առաջնորդը Պարգև Սրբազանը սրտի կաթված էր ստացել։ Պարգև Սրբազանն է, որ գիտի ինչ է կորցրել։ Պարգև Սրբազանն է, որ 1992 թվականի մայիսի 8-ին արտասվելով աղոթք էր կարդում Ղազանչեցոցում։ Նա Շուշիի ամեն մի վերանորոգվող տան հետ ուրախանում էր ու ապրում, մանկան ծնունդով ուրախանում էր։ Պարգև Սրբազանն էր, որ հասկանում էր, թե ինչ է Շուշին։ Ամեն մեկն է հասկանում, թե ինչ է Շուշին ի տարբերություն Հայաստանի այդ մեկ մարդու, որ անամոթ պատգամավորների առաջ ամոթաբար Շուշին մռայլ քաղաք է համարում, որովհետև նա կյանքում մի քանի անգամ Արցախում լինելով, այնուհետև որպես վարչապետ Արցախ գնալով, հյուրանոցի սենյակներից, թանկարաժեք ռեստորաններից այն կողմ չի եղել, չի տեսել Հադրութը, բազմաթիվ գյուղեր։ Ինքը չի ապրում դրանով։ Քարվաճառը, Դադիվանքը պատկերացանում էր միայն ՀԴՄ կտրոնով։ ՀԴՄ կտրոնները վերցրու ու դու գնա։ Դու գնաս, ժողովուրդը կվճարի այդ ՀԴՄ կտորները, հավերժ քո թոշակն էլ կտա, ընտանիքիդ թոշակն էլ կտա»։
ՀՀԿ-ական Էդուարդ Շարմազանովը լրագրողներին ասաց, որ Նիկոլ Փաշինյանի՝ մեկ ժամ ավելի մնալը սպառնալիք է հայ ժողովրդի համար։
«Ապացուցել է, որ չի կարող ապահովել հայ ժողովրդի անվտանգությունը։ 30 տարվա մեր երազանքը մեզանից գողացել է։
Եռատոնը կարողանալո՞ւ ենք տոնել, Շուշիի տոնը կարողանալո՞ւ ենք տոնել»,- նշեց նա։
«Վարչապետի որևէ հայտարարություն այևս չի կարող կարևոր լինել։ Վարչապետի աթոռը զբաղեցրած մարդը ընդամենը մեկ խնդիր է լուծում՝ ցանկացած գնով պահել իխանությունը»,- Ազատության հրապարակում լրագրողներին ասաց ԱԺ ԲՀԿ խմբակցության անդամ Նաիրա Զոհրաբյանը։
Նա նշեց, որ իրենց չի հաջողվելու ընդդիմադիր քաղաքական ուժերին ներքաշել իրենց սադրանքների մեջ, ԲՀԿ-ն որևէ սադրանքի չի տրվելու, թույլ չեն տալու, որ հանրությանը ներքաշեն պրոբակացիաների մեջ։
«Մեզ փոխանցել են, տեղեկատվություն էլ կա մամուլում, որ որ վաղն Ազգային ժողով են մուտք գործելու զինվորական հանդերձանքով մարդիկ, որոնք զինվել են կառավարական ամառանոցում, ու երբ մեկնարկի ԱԺ նիստը, փորձելու են ԱԺ ներսում սադրանք, պրովակացիա, խժդժություն հրահրել։ Հրավիրում են ԱԱԾ տնօրենի, ոստիկանապետի, գլխավո դատախազի ուշադրությունը այս տեղեկատվության վրա»,- ասաց Ն. Զոհրաբյանը։
Նա նշեց, որ ԱԺ փոխնախագահ Լենա Նազարյանից ստացել են նամակ ուղղված Գագիկ Ծառոււկյանին, որ ներկա լինի խորհրդի նիստին, որովհետև Նիկոլ Փաշինյանը որոշել է մանդատից զրկել Գ. Ծառուկյանին։
«Դա անհեթեթ պատմությունն է։ Յուրաքանչյուր հանրահավաքից առաջ ամեն ինչ անում են, որ Գագիկ Ծառուկյանն այստեղ չլինի»,- ասաց Ն. Զոհրաբյանը։
Ազատության հրապարակում հավաքված մարդկանց դիմելով՝ Ն. Զոհրաբյանն ասաց, որ կարող են իրենց մոտենալ զինվորական հանդերձանքով մարդկանց, չտրվել սադրանքների, անմիջապես դիմել ոստիկաններին։
ՀՅԴ-ական Գեղամ Մանուկյանը հայտարարեց, որ երկար ժամանակ ոստիկանությունը թույլ չէր տալիս տեխնիկա տեղադրել հրապարակում, ի վերջո թույլտվություն ստացել են, տեխնիկան տեղադրելուց հետո կսկսվի հանրահավաքը։
Լրահոս
Տեսանյութեր
Գիշեր-ցերեկ կաշխատենք, միայն առաջվա Հայաստանում ապրենք. Քաղաքացիները՝ աշխատաժամանակի կրճատման մասին
