Ձեր վստահելի աղբյուրը

«Ցանկանում եմ շնորհակալություն հայտնել Հայաստանի ազգային հավաքականի բոլոր ֆուտբոլիստներին։ Տղաները շատ մեծ ծավալի աշխատանք տարան և հիանալի հանդիպում անցկացրին։ Մեր ֆուտբոլիստները ցույց տվեցին, որ ունեն մեծ սեր և մեծ քաջություն՝ Հայաստանի պատիվը պաշտպանելու համար»,- ՀՖՖ կայքի հաղորդմամբ՝ նոյեմբերի 15-ին ՈՒԵՖԱ Ազգերի Լիգայի C լիգայի 2-րդ խմբի 5-րդ մրցափուլի Վրաստան-Հայաստան խաղից հետո կայացած ասուլիսում ասել է  Հայաստանի ազգային հավաքականի գլխավոր մարզիչ Խոակին Կապառոսը։

Նա նշել է, որ յուրաքանչյուր խաղում իրենք խաղում են միայն հաղթանակի հասնելու համար. «Գիտեինք, որ այսօր մեզ համար դժվար է լինելու, քանի որ Վրաստանի հավաքականը շատ ուժեղ թիմ է»։

Խոսելով Հուսիսային Մակեդոնիայի հետ առաջիկա խաղից՝ նա նշել է. «Գիտենք, որ մեզ բարդ հանդիպում է սպասվում։ Խմբում բոլոր թիմերն իրար հավասար են, մենք շատ հավասար հնարավորություններ ունեցող թիմերով խմբում ենք հայտնվել։ Հյուսիսային Մակեդոնիայի դեմ խաղին պատրաստվելու ենք մեծ ցանկությամբ և երազանքով։ Հյուսիսային Մակեդոնիան ունի շատ ուժեղ հավաքական, բայց մենք փորձելու ենք անել ամեն ինչ, որպեսզի հասնենք հաջողության»։

Հիշեցնենք, որ խաղն ավարտվել է Հայաստանի հավաքականի հաղթանակով՝ 2։1 հաշվով։ Գոլերի հեղինականերն են Գևորգ Ղազարյանը և Սարգիս Ադամյանը։