Ձեր վստահելի աղբյուրը

«Լուրեր են պտտվում, որ անօրինական զինված խմբեր են շրջում քաղաքով, ահաբեկում քաղաքացիներին»,- ԱԺ-ում հայտարարեց «Լուսավոր Հայաստան» խմբակցության պատգամավոր Աննա Կոստանյանը և հետաքրքրվեց, թե ո՞վ է դրա համար պատասխան տալու:

Պատգամավորը հայտարարեց, որ սոցիալական հարթակներում իրենց դժգոհությունը հայտնող քաղաքացիներին և քաղաքական հայացքներ ունեցող անձանց անհատական նամակագրությունների միջոցով սպառնալիքներ են հնչեցվում:

«Մարդկանց քիթ ու մռութ ջարդելու սպառնալիքներ, ընտանիքներին հետապնդելու սպառնալիքներ են հնչում»,- հյատնեց պատգամավորը և նկատեց, որ այս պահին երկիրը ծայրահեղ պառակտվածության մեջ է:

Աննա Կոստանյանը նկատեց, որ պատմական իրողությունների խեղաթյուրում և ազգային գաղափարախոսության տապալում է տեղի ունեցել՝ նաև կրթական համակարգում:

Նա իշխանություններին հարց ուղղեց, թե ո՞վ է հանդարտեցնելու որդեկորյուս ծնողներին, ովքեր 20 օրից ավելի շրջում են հանրապետության դիահերձարաններում, փնտրում են իրենց որդիներին՝ խնդրելով ու աղերսելով որ գոնե դիակները տան, որպեսզի կարողնան իրենց հարազատներին գոնե պատվով հողին հանձնեն:

«Լուսավոր Հայաստան»  խմբակցության պատգամավորը խնդրեց, որ գոնե ամբիոնից չհայտարարեն՝ լավ է, գոնե Ստեփանակերտը չկորցրեցինք:

Անդրադառնալով նոյեմբերի 1-ի գիշերը ԱԺ-ում տեղի ունեցածի մեջ ընդդիմադիր պատգամավորներին մեղադրելու փորձերին՝ Աննա Կոստանյանը հայտարարեց. «Կխնդրեի այդ գիշերը, այդ սարսափելի և զզվելի գիշեը, որ տեղի ունեցավ մեզ հետ միասին փորձեիք այդ դռների բռնակները պահպանեիք, կամ ձեր հարգարժան գործընկեր Արարատ Միրզոյանին փորձեիք փրկել, որը ես էի փորձում անել»: