Մարուքյան. Ապրիլյան պատերազմի հերոսների մեկի կեղծ պապիկին էիք բերել, բա դա ցավի կապիտալիզացիա չէ՞ր
«Խոսվեց ցավի կապիտալիզացիայից, այրի կնոջը ցույցերին ելույթ ունենալ թույլ տալուց։ Ուզում եմ հիշեցնել, որ հեղափոխության ժամանակ Ապրիլյան պատերազմի հերոսների մեկի կեղծ պապիկին էիք բերել, բա դա ցավի կապիտալիզացիա չէ՞ր »,- խորհրդարանում ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը։
Ըստ պատգամավորի, երկու տարի է անցել, և իշխանությունները պետք է գոնե հիշեն՝ իրենք ինչ են արել, նոր ուրիշին մեղադրեն։
«Ես ուզում եմ խոսել ներկայից։ Այո, ներկայում պետական մարմինները չեն աշխատում, պետական մարմինների աշխատողները սարսափելի ցածր աշխատավարձ են ստանում, պատերազմի ժամանակ բոլորը փող են հավաքել, փոխանցել հիմնադրամներ։ Հետո իրենց մի փոքր՝ 30% հավելավճարները չեն ստացել, քանի որ պատերազմի մեջ ենք։ Հիմա հազարավոր մարդիկ խայտառակ, ծայրահեղ աղքատության մեջ են։ Ասում են՝ գոնե ասեին, որ պահելու են, մենք չհավաքեինք մի հատ էլ առանձին մուծեինք»,- ներկայացրեց Էդմոն Մարությանը։
Նրա խոսքով, խայտառակ վիճակ է նաև սոցիալական ապահովման ոլորտում՝ փախստականներ, անտուն մարդիկ. «Չգիտեմ, զբաղվող կա՞ այս հարով..., եթե զանգում են ԼՀԿ, ասում են՝ մեզ բեռնատարներ են պետք՝ Քարվաճառից բեռները տեղափոխելու, ես սկսում եմ հասկանալ, որ մեր պետական մարմինները չեն աշխատում»։
Էդմոն Մարուքյանը տեղեկացրեց, որ արդեն խմբակցություններն ունեն հավաքած ստորագրություններ, և առաջարկում են այսօր 18.30-ին հրավիրել ԱԺ արտահերթ նիստ, որի ընթացքում պետք է վերացվի ռազմական դրությունը, որից հետո պետք է երկրին վերադարձվեն ազատությունները՝ հնարավորություն տալով ժողովրդավարական գործընթացների կատարմանը։
«Ուզում եմ հիշեցնել, որ ռազմական դրություն հայտարարվել է երկրում մոբիլիզացիայի համար։ Հայաստանի պատմության մեջ Արցախյան առաջին պատերազմի ժամանակ ռազմական դրություն չի հայտարարվել, որպեսզի Հայաստանը որևէ ձևով պատերազմի կողմ չդառնա, այս անգամ հայտարարվեց։ Երբ ես հարցրել եմ՝ ինչու է հայտարարվում, պատասխան է եղել՝ պետք է մոբիլիզացիա։ Մոբիլիզացիան ավարտվել է։ ԳՇ պետը ասել էր՝ առնվազն 7 օր ժամանակ ձգեք, թողեք այդքան ժամանակ էլ մնա ռազմական դրության ռեժիմը, դա եղել է, քանի որ հայտարարությունն արվել է ամսի 10-ին, հետևաբար այդ օրերը լրացել են։ Մենք առաջարկում ենք ռազմական դրությունը հանել, խնդրում եմ գալ այդ նիստին։ Այլ հարցեր էլ կան, հիմա առաջարկում եմ նաև իմքայլականներին, եկեք միասին նախագիծ կազմենք, մի նիստ էլ դրա վերաբերյալ գումարենք։ Սպասում ենք ձեր քայլին»,- եզրափակեց խոսքը Էդմոն Մարուքյանը։
Հարակից հրապարակումներ`
- Պաթոսով չեմ խոսի. հորդորում եմ քվեարկություն կատարելիս հիմք ընդունել աստվածաշնչյան դրույթները. Պետրոսյան
- Եթե դու, ղեկավա՛ր, չէիր տիրապետում՝ ինչ է լինելու, ինչո՞ւ պետք է այս զոհերը լինեին. Մելքումյան
- «Իմ քայլ»-ի ձեր պատգամավորները հարկ չեն համարում քննարկել Մեղրիի վրայով անցնող ճանապարհի հարցը. Էդմոն Մարուքյան
- Զոհրաբյան. Հիմա մենք պատմական առաքելություն ունենք՝ բռնել Նիկոլ Փաշինյանի ձեռքը
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
