Ձեր վստահելի աղբյուրը

«Ով այս ամենի մեղավորն է, ով հող է տվել, պետք է գնա։ Ով գիշերը  գրչի մեկ ստորագրությամբ հող տվեց, պետք է գնա»,- ասում է Թբիլիսյան խճուղին փակած քաղաքացիներից մեկը։

Ակցիայի մասնակիցները պահանջում են վարչապետ Նիկոլ Փաշինյանի հրաժարականը։

Քաղաքացին նշում է, որ եթե  վարչապետը չի կարողանում ղեկավարել երկիրը, պետք է գնա. «Ես եմ ասել՝ Նիկոլ, Արգիշտի Քարամյանին դիր ԿԳԲ-ի պետ։ Ինչ վատ բան եղել է, գցում ես նախկինների վրա, ինչ  լավ բան լինում է, նախկինից ծրագրով եկել է, ասում ՝ ես եմ»։

«Ամոթ է վշտի մեջ ենք, դուք փողոց եք փակում»,- դիմելով ակցիայի մասնակիցներին՝ ասաց քաղաքացին։

«Լուրջ ես ասում, արի քո վարչապետի տղու նկարը ցույց տամ, կայֆավատ է լինելու։ Ինքը կարողանո՞ւմ է  կայֆավատ լինի, ...»,- զայրացած արձագանքեց ակցիայի մասնակից քաղաքացին։

Այնուհետև ոստիկանները ակցիայի մասնակիցներին զգուշացրեցին, որ ակցիա անելու իրավունք չունեն, երկրում ռազմական դրություն է, խոչընդոտում են մարդկանց տեղաշարժը։

Վարչապետ Նիկոլ Փաշինյանի հրաժարականի պահանջով փակվել էր Ծովակալ Իսակովի պողոտան։

«Դավաճան Նիկոլի քայլերը բերել է նրան, որ ստիպված ենք փողոց փակել, պայքարել, որ այս հողատուն հեռանա երկրից, ու հեռանալու է։

Նիկոլ դավաճան, Նիկոլ դավաճան։ Նիկոլ հեռացիր։ Երկիրը կապիտուլյացիայի ես ենթարկել, ծախել  մեր 5000 հաղթող զինվորի արյունը, հարյուր հազարավոր մարդկանց անտուն ես թողել։
Դու անելիք չունես այս երկրում, դու չես կարող լինել իմ վարչապետը, դու խաբել ես մեզ, դու ծախել ես Շուշին»,- ասաց ակցիայի մասնակիցներից մեկը։

Այնուհետև նրանք բացեցին փողոցն ու ասացին, որ գնում են այլ փողոց փակելու։