Ձեր վստահելի աղբյուրը

«Իրատես» թերթը գրում է.

«Ինչպես «Իրատեսի» հետ զրույցում ասաց Արցախի ՊԲ նախկին հրամանատար, ՀՀ ԶՈւ գլխավոր շտաբի նախկին պետ, ՀՀ ՊՆ վերահսկողական ծառայության արդեն նախկին պետ, գեներալ-գնդապետ ՄՈՎՍԵՍ ՀԱԿՈԲՅԱՆԸ, երեկ ուշ երեկոյան կանչվել է ՀՔԾ հարցաքննության: Այն տևել է շուրջ 40 րոպե:

-Նպատա՞կը,- ճշտեցինք գեներալից,- ի՞նչ ասացին:
-40 րոպե հարցաքննելուց հետո ասացին` բարի գիշեր,- հնչեց հակիրճ պատասխանը:

Հ.Գ.1 Հիշեցնենք, որ Մովսես Հակոբյանը երեկ սկանդալային բացահայտումներ արեց պատերազմի ընթացքում ՀՀ ռազմաքաղաքական ղեկավարության որոշումների, հրամանատարական բունկերում Աննա Հակոբյանի լինելու, սպառազինության և խորքային շատ այլ հարցերի շուրջ:

Հ.Գ.2 Եզրակացնենք` Մովսես Հակոբյանի ասուլիսը ջախջախիչ փաստերով հիմնավորեց վաղուց ակնհայտը. Արցախից մնացած պատառի, Հայաստանի ու նրա ապագայի համար սպառնալիք է Նիկոլի իշխանության գոյությունը: Վտանգավոր է ոչ միայն դեռևս գործող վարչապետը, այլև Էրատո-շոու կազմակերպած ու 4750 զոհերի արյան ֆոնին ինքնաPR-ված Աննա Հակոբյանը: Գնդակը ՀՔԾ-ի դաշտում է: Հավատանք, հուսանք և սպասենք:»։

Մանրամասները թերթի այսօրվա համարում