Ձեր վստահելի աղբյուրը

«Հադրութ թիկունքից մտնել են 400 հոգի, որոնք Նախիջևանից Քաջարանով՝ այսինքն Հայաստանի տարածքով անցել են Արցախ ու հանգիստ գնացել են մինչև Հադրութի թիկունք։ Եվ դա ապահովել է ԱԱԾ այն ժամանակվա տնօրեն Արգիշտի Քյարամյանը»,-լրագրողների հետ հանդիպմանն այս մասին հայտարարեց «Ազգային անվտանգություն» կուսակցության նախագահ Գառնիկ Իսագուլյանը։

Բանախոսն ասաց, Քյարամյանի ու նրա կողմից «դրված պոսպորտ սեղանների ղեկավարների միջոցով 1400 հատ հայկական անձնագիր է բաժանվել հայերեն իմացող ազերիներին»։

«Այդ 400 հոգուն օժանդակել է Արգիշտի Քյարամյանը, այսինքն նույն ինքը՝ Նիկոլ Փաշինյանը, թե ինչի համար, ես մինչև էսօր չեմ կարողանում հասկանալ։ Երբ ասում եմ, տեղի է ունեցել հայոց պատմության մեծագույն դավաճանությունը, այդպես է»,-նշեց նա։

Կուսակցության նախագահի խոսքով, Քյարամյանի ԱԱԾ պաշտոնից ազատվելու պատճառն ինքն է եղել, ազատման որոշման մասին Արցախում բունկերում գտնվող Քյարամյանին տեղեկացրել է նրա վարորդը։

«Բա ինչո՞ւ եք ազատելուց հետո Քյարամյանին պահել Շուշիի բանտում։ Ինչի՞ համար։ Ինչո՞ւ ազատեցին, որովհետև հասկացավ, եթե Քյարամյանն այդ գործով մեղադրվում է, ապա այդ գործն ուղղակի գնում է իր վրա և իրա Աննայի վրա։ Ասեք իրականությունը։ Եթե չասեք, ես խոստանում եմ անուններ հրապարակել, թե ովքեր են եղել բունկերում։ Եթե մենք հայրենիքը մի ոսպի հատիկի չափ սիրում ենք, պետք է ասենք ճշմարտությունը։ Հիմա մենք հայրենիք ենք կորցնում, էլի ենք կորցնելու»,-նշեց նա։