Ձեր վստահելի աղբյուրը

Աշխարհում կորոնավիրուսային պատվաստանյութերի ամենամեծ պահանջարկն ունի բրիտանական AstraZeneca ընկերության պատվաստանյութը։ Այս մասին են վկայում, RBC-ի հաղորդմամբ, Bloomberg-ի կազմած վարկանիշային աղյուսակից, որի հիմքում ընկած է  Airfinity Ltd հետազոտական ընկերության և Օքսֆորդի համալսարանի տվյալները։

Գործակալությունը նշում է, որ AstraZeneca պատվաստանյութերի գնումների ավելի քան 40% -ը կամ 2.4 միլիարդ դեղաչափերը գալիս է միջին և ցածր եկամուտ ունեցող երկրներից: Համեմատության համար նշվում է, որ Միացյալ Նահանգները պատվիրել է այս դեղամիջոցի 300 միլիոն դոզա, եվրոպական երկրները՝ 505,3 միլիոն դոզա: Եվ դա, չնայած այն հանգամանքին, որ AstraZeneca պատվաստանյութի միջին արդյունավետությունը 70 տոկոս է` ընդդեմ ամերիկյան Pfizer-ի և Moderna-ի 95%-ի:

Ինչպես նշում է Bloomberg-ը, այս պահանջը պայմանավորված է նաև AstraZeneca-ի պատվաստանյութերի հասանելիությամբ: Ընկերությունը հայտարարել է, որ համաճարակի ընթացքում մտադիր չէ օգուտ քաղել պատվաստանյութից և դեղի գինը սահմանելու է 4-5 դոլար: Համեմատության համար նշվում է, որ Pfizer-ի պատվաստանյութի դոզայի արժեքը ԱՄՆ-ի համար կազմել է 19,5  դոլար (39 դոլար երկու դեղաչափի ներդրման համար), իսկ Moderna-ինը` 32-ից 37 դոլար։

Հիշեցնենք, որ այսօր հայտնի դարձավ, որ մի քանի կամավորներ Հայաստանում կստանան ռուսական Sputnik V պատվաստանյութի ներարկումներ։