Ձեր վստահելի աղբյուրը

«Ազգային անվտանգություն» կուսակցության նախագահ Գառնիկ Իսագուլյանն այսօր լրագրողների հետ հանդիպմանը հանդես եկավ մի շարք սենսացիոն հայտարարություններով։

«Հայաստանում հեղափոխությունն կատարվել է բացառապես ադրբեջանական փողերով»,-նախ ասաց նա։

«Գոյոթյուն ունի հեղափոխություն, հեղափոխությունից մինչև պատերազմ, պատերազմի ընթացք և հիմա»,-ասաց կուսակցության նախագահը՝ ավելացնելով, որ ինքը բազմից հայտարարել է, որ Փաշինյանն ու իր թիմը թուրքերից ու ադրբեջանցիներից ստացել է 48 մլն դոլար, սակայն դրանք որևէ հետևանք չունեցան։

Իսագուլյանի խոսքով, այդ գումարները Վրաստանում ԱՄՆ դեսպանատնից Հայաստան են ներկրել հիմնականում Արմեն Գրիգորյանը, ով այժմ Ազգային անվտանգության խորհուրդի քարտուղարն է, Լիլիթ Մակունցը, որ ԱԺ «Իմ քայլը» խմբակցության ղեկավարն է, Նիկոլ Փաշինյանը, նրա կինը՝ Աննա Հակոբյանը, բազմաթիվ պատգամավորներ՝ այդ թվում Արմենուհի Ղազարյանը,  ինչպես նաև Ասյա Խաչատրյանը, Ստյոպա Սաֆարյանը։

«Հենց այս փողերով արվեց հեղափոխություն։ Իսկ մինչ Նիկոլը քայլում էր, ամերիկյան դեսպանատան հազար աշխատակից, դեռ ավելին, և ծատ ծատերը Հայաստանում զբաղված էին տարբեր խմբերի կազմակերպմամբ, որ հենց Նիկոլը հասնի Երևան, անցնեն գործի։ Անդրանիկ Հովհաննիսյանին արտաքսեցին Հայաստանից հենց սրա համար, էլի գաղտնիքներ կան, որ այս պահին պետական են, ցավոք սրտի բացահայտել չեմ կարող։ Այս ամենի մասին շատ լավ իմացել է ԱԱԾ տնօրենի տեղակ Ստեփան Սուրենի Մելքոնյանը, դրա մասին իմացել է երրոդ վարչության պետ Շահումյանը, որին նույնպես գործից հանեցին»,-բացահայտումները շարունակեց Իսագուլյանը՝ նշելով, որ այդ մարդիկ, իմանալեվ հանդերձ ոչինչ անել չէին կարող,  քանի որ այդ ամենի գլխին կանգնած էր Նիկոլ Փաշինյանը։

«Ազգային անվտանգություն» կուսակցության նախագահը պնդում է, որ Ասյա Խաչատրյանի միջոցով ապահովվել է Դավիթ Սանասարյանի, Արմեն Գրիգորյանի, Նիկոլ Փաշինյանի ուղիղ կապը Բաքվի հետ։

«Հեղափոխության ընթացքում մենք փորձել ենք բացահայտել այն դեպքերն ու դեմքերը, որոնք տեղի էին ունենում Հայաստանում։ Ցավոք սրտի, դրանց որևէ մեկն ուշադրություն չդարձրեց։ Տեղի ունեցավ այն, ինչ եղավ»,-ասաց նա։

Իսագուլյանի խոսքով, սեպտեմբերի 27-ին մեկնարկած պատերազմի մասին Նիկոլ Փաշինյանը իմացել է մեկ ու կես ամիս առաջ։

«Իր առաջ խնդիր է դրվել քայքայել, ապամոնտաժել այն, ինչ մինչ այդ չեն կարողացել։ Օրինակները բազմաթիվ են, եթե նայում ենք մամուլը։ Օրինակ, ինչո՞ւ Աննա Հակոբյանը սկսկեց աշխարհազոր կյանքի կոչել։ Ոչ մի կանոնավար զորահավաք չեղավ, քանի որ այդ հարցը չէր մտնում օրակարգ։ Դա մտածված էր, ընկերներ։ Տեղի է ունեցել հայոց պատմության մեջ ամենամեծ կազմակերպված խմբակային դավաճանությունը, որի գլխին կանգնած է եղել Նիկոլ Փաշինյանը, բոլոր կառույցներն ու 88 պատգամավորներն անխտիր։ Իմացել են պատերազմ սկսելու կոնկրետ օրը, արել են դասավորումներ, որ պետք է հանգեցնեին այս պարտությանը»,-ասաց նա։

Բանախոսն ընդգծեց, իր համար միշտ անհասկնալի է եղել, թե ով է կառավարել պատերազմական գործողությունները։

«Իմ համոզմամբ, այն ղեկավարել են Սամվել Բաբայանն ու Աննա Հակոբյանը։ Նրանցից բացի որոշումներ կայացնելու իրավունք ոչ ոք չի ունեցել, ոչ Արցախի նախագահ արայիկ Հարությունյանը, ոչ ՊԲ հրամանատարը, ոչ էլ ուրիշ մեկը։ Հրահանգն էլ եղել է ուղիղ Նիկոլ Փաշինյանից։ Եվ շատ հետաքրքիր է, որ հինգերորդ կորպուսի հրամանատար Անդրանիկ  Փիլոյանը, որ պատմության մեջ գրանցած  մեծագույն պարտությունն է կրել, ազգային հերոսի կոչում է  ստացել։ Ասեմ ձեզ, հարավային ուղղությունը պարտություն է կրել Անդրանիկ Փիլոյանի պատճառով։ Նա եղել է իմ առաջին  զինվորներից, որին 89 թվականին ես տարել եմ Արցախ։ Բազային կրթություն չի ունեցել, թե ինչու եմ տարել Արցախ, շատերը շատ լավ գիտեն»,-հայտարարեց Իսագուլյանը։

Նա ընդգծեց, այս ուղղությամբ 24 զրահատեխնիկայից 18-ն ադրբեջանցիները վերցրել են, չորսը խոցվել է, երկուսը կարողացել են հետ բերել։

«Պատերազմական այս գործողությունը ծրագրել են Սամվել Բաբայանն ու Աննա Հակոբյանը, և ամսի 19-ի լույս 20-ի գիշերը, երբ Վլադիմիր Վլադիմիրովիչ Պուտինը խոսել է լակած, քաշած, իր մամլո խոսնակի ու Լենա Նազարյանի հետ անհասկանալի վիճակում գտնվող Փաշինյանի հետ, այդ նույն օրը Սամվել Բաբայանն ու Աննա Հակոբյանը բունկերում չգիտեմ ինչ էին անում, բայց ղեկավարում էին նաև մատերն ու բանակը։ Ինձ համար անհասկանալի է, որ ամենածանր պարտությունից՝ զորքը 60 կմ նահանջից, 1700 զինվորից 1300-ին զոհող Անդրանիկ Փիլոյանը ոնց է հոկտեմբերի 22-ին ստանում ազգային հերոսի կոչում, հիմա էլ նախարարի պաշտոն»,-հարց հնչեցրեց Իսագուլյանն ու ավելացրեց՝ ինքը Փիլոյանի դեմ ոչինչ չունի, բայց հետաքրիքր է՝ բարձրագույն կրթություն չունեցող, ամենամեծ պարտություն ու զորքի, զենքի ամենամեծ կորուստ տված անձն ինչպե՞ս է դառնում ազգային հերոս։