Ձեր վստահելի աղբյուրը

Ռուս քաղաքական գործիչներն արձագանքել են Մոլդովայի նորընտիր նախագահ Մայա Սանդուի հայտարարությանը՝ Մերձդնեստրից խաղաղապահ զորակազմը դուրս բերելու մասին:
Ավելի վաղ Սանդուն հույս էր հայտնել, որ կհայտնվի Տիրասպոլը Քիշնևի հետ վերամիավորելու աշխարհաքաղաքական հնարավորություն և հակամարտության խաղաղ կարգավորում՝ ռուս խաղաղապահների դուրսբերմամբ:

Սենատոր Ալեքսեյ Պուշկովը հիշեցրել է, որ ռուս խաղաղապահները Մերձդնեստրում ապահովում են անվտանգությունը:

«Դա նրանց ներկայությունն է, որը երաշխավորում է տարածաշրջանում խաղաղություն և այնտեղ ապրող մարդկանց պաշտպանություն գրեթե 30 տարի: Նրանցից 220 հազարը մեր քաղաքացիներն են: Նրանց շահերն ու անվտանգությունն ավելի կարևոր են, քան Մոլդովայի նոր նախագահի բարձրաձայն հայտարարությունները», - գրել է քաղաքական գործիչը Twitter-ում:

Դաշնության Խորհրդի Պուշկովի գործընկեր Անդրեյ Կլիմովը հայտարարել է, որ խաղաղապահների դուրսբերումը կարող է հանգեցնել հակամարտության սրման:

«Ռուսական զորքերը գտնվում են Մերձդնեստրում ոչ այն պատճառով, որ մենք իսկապես ցանկանում ենք դա: Եթե նրանք այնտեղից դուրս գան, ապա այնտեղ կարող է սկսվել հակամարտության նոր թեժ փուլ, որը ոչ մեկին հաճելի չէ», - ասել է Կլիմովը։

Միաժամանակ Կլիմովը շեշտել է, որ ռուսական կողմը միշտ պատրաստ է խնդիրները լուծել քաղաքական և դիվանագիտական հարթությունում: Սենատորը նաև ավելացրել է, որ Մոլդովան պետք է հրաժարվի ԱՄՆ քաղաքական կուրսին հաճոյանալու ցանկությունից, որը թքած ունի Մերձդնեստրում բնակվող մարդկանց վրա:

Պետդումայի պատգամավոր Ելենա Պանինան նշել է, որ Սանդուի առաջարկած սցենարը չի ընդունվի Տիրասպոլում:

«Սանդուն ցանկանում է, որ խաղաղապահները հեռանան, և միևնույն ժամանակ մերժի դաշնայնացման սցենարը, որը կարող է օգնել շահերի հավասարակշռություն և երկարաժամկետ խաղաղություն ապահովել: Ի՞նչ է առաջարկվում Մերձդնեստրի բնակիչներին դրա դիմաց: Փաստորեն՝ իրավիճակի վերադարձ 1992 թվական, երբ բռնկվեց արյունալի բախում, որը խլեց հազարավոր մարդկանց կյանքեր: Կա «ապասառեցման» հեռանկար, որին կհաջորդի «թեժ փուլ», անկախ նրանից, թե Սանդուն ինչ է ասում հարցը խաղաղ ճանապարհով լուծելու իր ցանկության մասին», - ասել է Պանինան։

Պանինան նաև ափսոսանք է հայտնել, որ Քիշենևը մերժել է 17 տարի առաջ առաջարկված «Կոզակի հուշագիրը»՝ Վաշինգտոնի ճնշման պատճառով:

Ria-ն գրում է, որ Մերձդնեստրը, որի բնակիչների 60 տոկոսը ռուսներ ու ուկրաինացիներ են, ձգտում էր անջատվել Մոլդովայից նույնիսկ ԽՍՀՄ փլուզումից առաջ՝ վախենալով, որ Մոլդովան կմիանա Ռումինիային՝ ազգայնականության ալիքի վրա: 1992-ին, Մոլդովայի իշխանությունների կողմից խնդիրը ռազմական ճանապարհով լուծելու անհաջող փորձից հետո, Մերձդնեստրը դարձավ տարածք, որն իրականում չի վերահսկվում Քիշնևի կողմից: Այս տարի լրանում է 28-րդ տարին՝ Մերձդնեստրում խաղաղապահ գործողության մեկնարկից: Հակամարտության գոտում խաղաղությանն աջակցում են 402 ռուս, 492 Մերձդնեստրից, 355 մոլդովական զինվորականներ և 10 ռազմական դիտորդներ Ուկրաինայից: Խաղաղապահները ծառայում են 15 ստացիոնար կետերում և անցակետերում, որոնք տեղակայված են անվտանգության գոտու առանցքային հատվածներում: