Ձեր վստահելի աղբյուրը

Հայկական զինվորական վերջին ստորաբաժանումները լքում են Լեռնային Ղարաբաղի Քարվաճառի շրջանը, որը կեսգիշերին պետք է անցնի Բաքվին։ Ռիա նովոստիի լրագրողը հայտնել է, որ մոտոհրաձիգները լքել են տարածքը՝ պայթեցնելով զորանոցներն ու զորամասի այլ կառույցներ:

«Մենք այստեղ էինք ողջ պատերազմի ընթացքում և ոչինչ նրանց չենք տվել: Այժմ մինչև ադրբեջանցիների դիրքեր ուղիղ գծով 12 կիլոմետր է: Հեռացնում ենք մեր առաջապահ դիրքերը, դրանից հետո պայթեցնում զորամասի մնացյալ կառույցները, որպեսզի դրանք չմնան ադրբեջանցիներին: Պայթեցնելուց հետո գնում ենք Հայաստան: Ներկա պահին մեր զորամասը վերջիններից մեկն է»,- լրագրողներին  ասել է մոտոհրաձգային զորամասի հրամանատարության ներկայացուցիչը:

Նախքան պայթեցնելն անձնակազմը հեռացել է շրջանից։  Զինվորական կառույցների ոչնչացմանը հետևել են ստորաբաժանման հրամանատարության ներկայացուցիչները:

Հիշեցնենք՝ ըստ Հայաստանի վարչապետ Նիկոլ Փաշինյանի, Ադրբեջանի և Ռուսաստանի նախագահների՝ նոյեմբերի 9-ին ստորգրած հայտարարությամբ Հայաստանի Հանրապետությունը Քարվաճառի շրջանը Ադրբեջանի Հանրապետությանը վերադարձնում է մինչև 2020 թ. նոյեմբերի 15-ը:
Նոյեմբերի 15-ին հայտարարել էր, որ Հայաստանը Ռուսաստանի միջոցով դիմել է Ադրբեջանին՝ խնդրելով մինչև նոյեմբերի 25-ը հետաձգել Քարվաճառից խաղաղ բնակչության դուրսբերումը։