Ձեր վստահելի աղբյուրը

Նիկոլ Փաշինյանի գլխավորած «Քաղաքացիական պայմանագիր» կուսակցության գրասենյակի դիմաց այս պահին բողոքի ակցիա են իրականացնում քաղաքացիները։ Դավադիր հայտարարության դեմ ակցիա իրականացնող երիտասարդները կոչ արեցին ՔՊ անդամներին անել իրենց քայլն ու միանալ պայքարող ժողովրդին։

«Կան կանգնում եք պետականության կողքին, կամ էլ դավաճան Նիկոլ Փաշինյանի կողքին։ Այլևս փաստ է, որ այդ խայտառակ պայմանագրով Փաշինյանը դավաճանեց ժողովրդին, դուք դեռ ժամանակ ունեք ձեր վրայից հանել դավաճանական խարանը, քայլ արեք, միացեք ժողովրդին»,-բարձրախոսով հայտարարեց ակցիայի մասնակիցներից մեկը, նրա խոսքին հետևեց «Նիկոլ, դավաճան» վանկարկումները։

Ակցիայի մասնակիցները հույս հայտնեցին, որ կուսակցության անդամների թվում կան արժանապատիվ մարդիկ, որոնք  հայրենիքը գերադասում են պաշտոններից։

Երիտասադներն իրենց ձեռքին ունեն «Ամոթ», «ՔՊ=քաղաքացու պարտություն», «Որն է ձեր հայրենիքը», «Նիկոլ, դավաճան» ու այլ գրություններով ցուցապաստառներ։

Մինչ ակցիայի մասնակիցները բացականչում էին «Նիկոլ, դավաճան», ոստիկանները փորձում էին հեռացնել մասնակիցներին կուսակցության գրասենյակի դիմացից։

«Դուք համակերպվո՞ւմ եք այս իրավիճակին»,- հարցրեց ակցիայի մասնակիցը ոստիկանին, ինչից հետո իրավապահ մարմնի աշխատակիցը բարկացավ։

Ոստիկանները ակցիայի մասնակից այդ թվում երիտասարդ աղջիկներին ոստիկանություն տարան։

«Մեր պահանջը հստակ է և մեկը՝ յուրաքանչյուր քաղաքացի պետք է որոշի՝ կանգնո՞ւմ է դավադիր իշխանության կողքին, թե՞ հայրենիքի։ Բայց քաղաքացիներից առավել այդ քայլը պետք է անեն քաղաքական կուսակցությունների անդամները, առավել ևս իշխող ուժը ներկայացնող կուսակցությունը, որը որևէ ազդանշան ցույց չի տալի, թե հասկանում է ինչ է տեղի ունեցել։ Մենք այսօր այստեղ հայտարարեցինք, յուրաքանչյուր ոք, ով կանգնում է Նիկոլ Փաշինյանի կողքին, գործում է Հայաստանի շահերին դեմ։ Պետք է արձանագրել, որ այս պահին ՔՊ-ն գործում է Ադրբեջանի շահերով։ Յուրաքանչյուր մարդ, ով կանգնում է Փաշինյանի կողքին, կրում է դավաճանության պատասխանատվությունը՝ իր բոլոր հետևանքներով»,- ասաց ակցիայի մասնակից մի աղջիկ՝ ընդգծելով, չեն կարող իրենց վախեցնել ձերբակալություններով, հանուն հայրենիքի փրկության պայքարը շարունակելու են՝ օգտագործելով օրինական բոլոր միջոցները։

Տեսանյութը՝ News.am-ի։