Ձեր վստահելի աղբյուրը

Նոյեմբերի 24-ին Երևանում  Համաշխարհային հայկական կոնգրեսի և Ռուսաստանի հայերի միության նախաձեռնությամբ, տեղի է ունեցել կլոր սեղան, որը նախագահել է  ՅՈՒՆԵՍԿՕ-ի բարի կամքի դեսպան, ՌՀՄ նախագահ Արա Աբրահամյանը:

Հանդիպման ընթացքում քննարկվել են Հայաստանի, Արցախի և սփյուռքի հետպատերազմյան իրավիճակին վերաբերող հարցեր`ներառյալ ազգային միասնության և արժանապատվության վերականգնմանը, ճգնաժամի հաղթահարման մեխանիզմների զարգացմանը, զոհված և անհայտ կորած զինծառայողների, վիրավորների և հաշմանդամների, փախստականների ընտանիքների օգնությանը վերաբերող հարցեր: Անդրադարձ է եղել նաև համաճարակի հետևանքների մեղմման գործողություններին, դիտարկվել է միջազգային հարաբերություններում արտաքին քաղաքական գերակայությունների հստակ սահմանմամբ Հայաստանի լիարժեք գործունեության խնդիրները:

Կլոր սեղանի աշխատանքներին մասնակցում էին մտավորականության ներկայացուցիչներ, գիտության, կրթության, մշակույթի, հասարակական-քաղաքական ոլորտի, հայտնի ռազմական գործիչներ, դիվանագետներ, հոգատար քաղաքացիներ, որոնք մտահոգ էին Հայաստանի, Արցախի և մեր ժողովրդի ապագայով:

«Եռակողմ հայտարարության ստորագրումից հետո ռազմական գործողություններն ավարտվեցին, բայց պայքարը դեռ նոր է սկսվում: Ավելին, այն թևակոխել է նոր, ավելի ճակատագրական ու պատասխանատու փուլ»,-իր խոսքում ասել  է Արա Աբրահամյանը:

«Հանդիպման մասնակիցները համոզմունք են հայտնել, որ չնայած երկրում առկա ծանր իրավիճակին, մտքերում և գործողություններում տիրող խառնաշփոթին՝ անհրաժեշտ է միավորել առկա հայրենասիրական մտավոր և գործարար ներուժը, որը միշտ եղել է և առկա է, որպեսզի մեկտեղվեն բոլոր հնարավորությունները, ներկայացվեն առաջարկություններ և մեկ ճանապարհային քարտեզ`դրա իրականացման փուլային պլանով:

Հանդիպման բոլոր մասնակիցները երկրի և հայ ժողովրդի ապագան կապում են բացառապես Հայաստանի և Արցախի էվոլյուցիոն և առաջընթաց զարգացման հետ: Միևնույն ժամանակ, ակնհայտ է, որ առկա իրավիճակից դուրս գալու համար ստանդարտ լուծումներ չկան:

Հանդիպման բոլոր մասնակիցները երկրի և հայ ժողովրդի ապագան կապում են բացառապես Հայաստանի և Արցախի էվոլյուցիոն և առաջընթաց զարգացման հետ: Միևնույն ժամանակ, ակնհայտ է, որ առկա իրավիճակից դուրս գալու համար ստանդարտ լուծումներ չկան:

Հրատապ փաթեթային լուծում են պահանջում Արցախի և Հայաստանի հետպատերազմյան ճակատագրին և զարգացմանը, Սփյուռքի ներուժի համախմբմանը և արդյունավետ օգտագործմանը, մարդասիրական գործունեության, կորոնավիրուսի դեմ պայքարին վերաբերող ներքին և արտաքին քաղաքական հարցերը:

Այս իրավիճակում Հայաստանի վարչապետը պետք է հրաժարական տա, և սահմանադրորեն ընտրվեն նոր վարչապետ և իրավասու կառավարություն:

Ճգնաժամային շրջանի կառավարությունը կարող է ղեկավարել միայն այն առաջնորդը, որը ոչ միայն հայտարարում և ներկայացնում է ճանապարհային քարտեզը, այլ նաև յուրաքանչյուր կետի փուլային իրականացման ժամանակը (պատասխանատվություն է կրում հնարավոր ձախողման համար), ինչպես նաև, ամենակարևորը՝  ներկայացնում է իրականացման մեխանիզմները և ֆինանսավորման աղբյուրները:

Տարվա ընթացքում նոր կառավարությունը պետք է նախապատրաստի արտահերթ խորհրդարանական ընտրություններ:

Այսուհետ հասարակության մեջ ատելության և փոխադարձ անվստահության, կործանարար սև ու սպիտակ բաժանարար գծերի տեղ չպետք է լինի:

Հասարակության մեջ երկրի ներսում և արտերկրում հեղինակություն վայելող իրավասու, հայրենասեր առաջնորդի ակնհայտ պահանջ կա, որն չի առնչվում կուսակցական և կլանային շահերով, որի թիկունքում առկա է իրական գործերի ուղեբեռը և անցած համոզիչ ուղին:

Մենք պարտվեցինք ճակատամարտում, բայց ոչ մարտում: Վերջին տասնամյակների ճիշտ գնահատումն ու դասերը, մասնավորապես, Արցախյան վերջին պատերազմը, ազգային առաջնորդի և կառավարության իրական գործերի և գործողությունների հետ նոր օրակարգի շուրջ միավորումը, վստահ ենք՝ կվերականգնի մեր վստահությունը սեփական ուժերի նկատմամբ և կվերակենդանացնի մեր երկիրը»,- ասվում է ՌՀՄ-ն տարածած հաղորդագրության մեջ: