Ձեր վստահելի աղբյուրը

Թուրքիայի նախագահ Ռեջեփ Թայիփ Էրդողանը «հետ կկանգնի» իր ագրեսիվ քաղաքականությունից, եթե եվրոպական երկրները միասնականություն ցուցաբերեն։ Այս մասին նախօրեին Բրյուսելում գործող Euractiv լրատվական ցանցին ասել է ԵՄ աղբյուրը:

Ըստ աղբյուրի, Թուրքիայի նախագահը փորձարկում է իր հզորության սահմանները՝ միաժամանակ կիրառելով Մոսկվայի մարտավարությունը:

«Անցյալ ուրբաթ (նոյեմբերի 20-ին) տեղի ունեցավ հանդիպում Էրդողանի խորհրդական Իբրահիմ Քալինի հետ, շաբաթ օրը Էրդողանը ասաց, որ Թուրքիան պատկանում է Եվրոպային, և միևնույն ժամանակ, նա նոր NAVTEX արձակեց Արևելյան Միջերկրական ծովում, ապա տեղի ունեցավ IRINI գործողության հետ կապված միջադեպ: Թվում է, թե Էրդողանը կատակում է, ջրեր է փորձարկում կամ ցանկանում է լիակատար առճակատում», - ասում է աղբյուրը՝ նկատի ունենալով նավիգացիոն տեղեկատվական համակարգը, որն օգտագործվում է Թուրքիայի միջերկրածովյան ածխաջրածինների որոնողական աշխատանքների համար, և վերջերս Լիբիայի հետ կապված թուրքական նավի խուզարկությունը Գերմանական ֆրեգատի կողմից:

«Եվրոպան այժմ հասկանում է, որ Էրդողանը օգտագործում է Ռուսաստանի նախագահ Վլադիմիր Պուտինի մարտավարությունը: Նա իր քայլերով ստուգում է Եվրոպայի արձագանքը և, համապատասխանաբար, տեսնում է, թե որքան հեռու կարող է գնալ», - հավելել է աղբյուրը:
Հիշեցնենք, որ դեկտեմբերի 10-11-ին նախատեսվում է ԵՄ առաջնորդների գագաթնաժողովը, որը քննարկելու է նաև Թուրքիայի հետ հարաբերությունների ապագան։