Տասնյակ հազարավոր եթովպացիները փախչում են Տիգրայի պատերազմից
Տասնյակ հազարավոր փախստականներ Եթովպիայի Տիգրայ նահանգում ապստամբների դեմ կառավարական գործողությունների մեկնարկից ի վեր ժամանել են Սուդան: Եթովպական բանակը տեղակայված է Մեքելեի (նահանգի վարչական կենտրոն) մոտակայքում և ավարտում է քաղաքի շրջապատումը: Այս մասին գրում է Euronews-ը։
«Մենք անվտանգ ապրում էինք, զարգանում, բոլորը օգնում էին միմյանց, բոլորը աշխատում էին, սովորում, օգնում մեր հարազատներին: Մենք երբեք չէինք մտածում, որ փախստական կդառնանք», - ասում է փախստական դարձած Ֆիլիմոնը:
«Մենք ծարավ ենք, բավարար սնունդ չունենք, մեր մեջ տարեցները պարզապես հոգնածությունից ընկնում են ճանապարհի վրա, մայրս ճանապարհին հիվանդացավ, շաքարախտ ունի և արյան ցածր ճնշում, մենք քայլեցինք և ընկավ», - լաց լինելով ասում է Տիրա Ահմեդը:
ՄԱԿ-ի տվյալներով, շուրջ 200 մարդասիրական աշխատողներ «մնացել են» ապստամբների վերահսկողության տակ գտնվող Մեկելեյում: Մինչդեռ Սուդանում անհրաժեշտ է օգնություն ցուցաբերել փախստականներին:
Մեկելեյում և հարակից տարածքներում կա 300-ից 500 հազար մարդ: ՄԱԿ-ը վախենում է, որ կենտրոնական իշխանությունների և անջատողականների միջև հակամարտությունը կհանգեցնի զանգվածային զոհերի: Կառավարությունը վերջնագիր է ներկայացրել ապստամբներին, որը շուտով ավարտվում է:
Նշվում է, որ Եթովպիայի վարչապետ Աբի Ահմեդը նոյեմբերի 4-ին հրաման տվեց երկրի հյուսիսում ռազմական գործողություն սկսել Տիգրայի ազատագրման ազգային ճակատի (TPLF) դեմ, որոնք նախօրեին հարձակվել էին Հյուսիսային հրամանատարության օբյեկտների վրա, սպանել էին դաշնային կառավարությանը հավատարիմ մնացած զինվորականներին և ծանր զենք վերցնել: Պետական դավաճանության մեղադրանքներ են առաջադրվել TPLF-ի ղեկավարության դեմ:
Մոտ 600 քաղաքացիական անձինք արդեն դարձել են հակամարտության զոհեր: ՄԱԿ-ի գլխավոր քարտուղար Անտոնիո Գուտերեշը մտահոգություն է հայտնել Եթովպիայի Տիգրայ նահանգում տիրող իրավիճակի կապակցությամբ և դաշնային իշխանություններին կոչ արել պաշտպանել խաղաղ բնակչությանը:
Տիգրայը Եթովպիայի ինը շրջաններից մեկն է։ Այն հյուսիսում սահմանակից է՝ Էրիթրեայի, արևմուտքում՝ Սուդանի, արևելքում՝ Աֆարի, իսկ հարավում՝ Ամհարայի շրջանի հետ: Այն ունի 5մլն-ից ավել բնակչություն։
Հակամարտությունը սկսվել է 2020թ․-ի նոյեմբերին, երբ Եթովպիայի վարչապետ Աբի Ահմեդը փորձեց հեռացնել երկրի քաղաքականությունը էթնիկ ֆեդերալիզմից, որը տարածաշրջանային ազդեցություն էր տալիս առանձին էթնիկ խմբերին՝ միաձուլելով Եթովպիայի ժողովրդական հեղափոխական ժողովրդավարական ճակատի էթնիկ և տարածաշրջանային կուսակցությունները, որը 30 տարի ղեկավարում էր Եթովպիան՝ դառնալով համապետական «Բարգավաճում» կուսակցություն:
TPLF-ը, որը Եթովպիայի ներսում գտնվող ռազմական և քաղաքականապես հզոր սուբյեկտ է ու ներկայացնում է ընդհանուր բնակչության 6% -ը, հրաժարվեց անդամակցել նոր կուսակցությանը և պնդեց, որ Աբի Ահմեդը դարձել է ոչ լեգիտիմ կառավարիչ՝ տեղափոխելով 2020 թ. օգոստոսի 29-ին նշանակված ընդհանուր ընտրությունները COVID-19-ի պատճառով անորոշ ժամկետով 2021-ին:
TPLF-ը անցկացրեց տարածաշրջանային ընտրություններ Տիգրայում` 2020-ի սեպտեմբերին, իսկ դաշնային կառավարությունը Տիգրայի ընտրությունները հայտարարեց անօրինական: Իրավիճակը վերաճեց բռնության նոյեմբերի 4-ից։
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
