Ձեր վստահելի աղբյուրը

«Հենակետ» վերլուծական կենտրոնի ղեկավար Տիգրան Աբրահամյանը գրում է.

«Բանակի հրամանատարությունը պետք է պարզաբանի, թե ինչ ապօրինի միջամտություն է թույլ տվել գեներալ-գնդապետ Մովսես Հակոբյանը Ջեբրայիլի ուղղությամբ՝ ինչպես Փաշինյանն է պնդում։

Զինված ուժերի հրամանատարությունը նաև պետք է մեկնաբանի՝ հասկանանք, թե ինչ բարոյահոգեբանական խնդիրներ է ունեցել ՊԲ հրամանատարությունը, որն ըստ Նիկոլի, փորձել է կարգավորել Աննա Հակոբյանը ՊԲ հրամանատարական կետում։

Ու ընդհանրապես, երկրի պաշտպանության հին ու նոր նախարաները՝ Դավիթ Տոնոյանն ու Վաղարշակ Հարությունյանը պարտավոր են խոսել, պարզաբանեն ընդհանուր իրավիճակը, հակառակ դեպքում, Նիկոլը դաշտ է նախապատրաստում զինված ուժերում նոր ռեպրեսիաների գնալու և ձերբակալությունների շարք սկսելու համար»։

Նշենք, որ հայկական հողերն Ադրբեջանին հանձնած Նիկոլ Փաշինյանն իր այսօրվա ուղերձում մասնավորապես նշեց.

«Հերոսական կռիվ են տվել նաև 9-րդ պաշտպանական հատվածում։ Բայց ցավոք, 9-րդ պաշտպանական շրջանը ճեղքվեց՝ հանգեցնելով աղետի։ Եվ այն գեներալը, ով իր ապօրինի միջամտություններով առնվազն կիսում է պատասխատվությունն այդ ձախողման համար, հիմա ասուլիսներ է տալիս, «բացահայտումներ» է անում՝ մոռանալով հիշեցնել, որ իր ժամանակներում 42 մլն դոլար մսխելու փաստի առիթով, անպիտան զենք գնելու փաստով քրեական գործ է ահորւցված ԱԱԾ-ում։ Իմ տիկնոջն է թիրախ դարձնում՝ մոռանալով հարց տալ, թե հրթիռակոծվող քաղաքում, երբ բնակչության 70 տոկոսը լքել էր այն, ի՞նչ գործ ուներ վարչապետի տիկինը։ Այսինքն Բադեն-Բադենի սանատորիա էր հռթիռակոծվող Ստեփանակերտը, որ այնտեղ գտնվելոը փորձ է արվում ներկայացնել իշխանության ցոփության օրինակ»։