Ձեր վստահելի աղբյուրը

«Մեկ Հայաստան» կուսակցության ղեկավար Արթուր Ղազինյանը ֆեյսբուքի իր էջում գրել է.

«Փողոցային, անգրագետ, պոռոտախոս ու ստախոս դավաճանների ժամանակն ավարտվել է: Նրանք այլևս անցյալ են, անվերադարձ ու մերժված, հայվիտյանս անիծված ու նզովված: Նրանք իրենց պատիժը կստանան շատ շուտով ու այդ պատիժը կլինի դաժան՝ գործող օրենսդրության ամենախիստ սահմաններում:

Բայց մենք, Հայաստանի արդեն ԱՐԺԱՆԱՊԱՏԻՎ քաղաքացիներս, պետք է օր առաջ սկսենք Հայաստանի ավիրված պետականության վերակառուցման նախագծային աշխատանքները: Այս հայրենանվեր առաքելությանը պետք է լծվեն բոլորը, ով ունակ է արարել, ստեղծագործել, կառուցել ու շենացնել:

Հիմա իմն ու քոնը չկա, բոլորս պետք է աշխատենք օր ու գիշեր, ջանք, եռանդ, ռեսուրս ու էներգիա չխնայելով: ԲՈԼՈՐՍ, Հայաստում և Հայաստանից դուրս:

Ժամանակ չունենք, առջևում նոր մարտահրավերներ են, նոր ռիսկեր ու հնարավորություններ:

Մենք թևաթափ լինելու, հուսահատվելու իրավունք չունենք, թուրքն այլևս չպետք է ուրախանա, ծաղրի ու վիրավորի մեզ: Մենք միասնական ուժերով պետք է վերգտնենք մեր երբեմնի հաղթանակած ոգին, Հայի ազգային արժանապատվությունը, մշակութային ու գիտական ինքնությունը, կառուցենք հզոր, ժամանակակից զինատեսակներով զինված բանակ և տեսանելի ապագայում վերականգնենք Հայաստանի և Արցախի տարածքային աբողջականությունը, վերադարձնենք թուրքական ագրեսիայի ու հայկական դավաճանության հետևանքով կորցրած պատմական տարածքները:

Խնդիրները շատ են, բարդ ու համակարգային, բոլորիս սպասվում է ծանր ու տաժանակիր աշխատանք:

Այն, ինչ կառուցել ու ստեղծել էինք վերջին 30 տարում, կործանեցինք, ավիրեցինք, մենք, բոլորս՝ իրար ատելով, անիծելով, հայհոյելով, միմյանց մահն ու ցավը տենչալով: Հիմա քաղում ենք մեր սխալների դառը պտուղները, որոնք, ցավոք, շատ դառն էին, ավելի, քան կարող էինք պատկերացնել:

Հիմա ստիպված ենք զրոյից կառուցել ՆՈՐ պետություն, Նոր Հայրենիք, շատ ավելի ամուր, անվտանգ, ապահով ու բարեկեցիկ: Պետք է միավորվենք ու կառուցենք ՄԵԿ ու ՄԻԱՍՆԱԿԱՆ Հայաստան, առանց բաժանարար գծերի, հակամարտող ճամբարների:

Ու այդժամ մենք իրոք ԿՀԱՂԹԵՆՔ . . .
Ի ԳՈՐԾ»: