Ձեր վստահելի աղբյուրը

«Նիկոլ Փաշինյանի հեռանալն այլընտրանք չունի»,- ֆեյսբուքյան ուղիղ եթերում հայտարարել է Փաստաբանների պալատի նախագահ Արա Զոհրաբյանը՝ հիշեցնելով, որ Փաշինյանը բազմիցս հայտարարել է, որ թաքուն փաստաթուղթ չի ստորագրի, բայց արել է։

Հաջորդ սուտը, ըստ Զոհրաբյանի, այն է, որ Փաշինյանը հայտարարել էր՝ Արցախի երկինքը պաշտպանված է, մինչդեռ պարտության պատճառ դարձավ բաց երկինքը։

«Նման անպատասխանատու մարդը, խոսքը գործին հակասող մարդը չի կարող լինել երկրի վարչապետ։ Հայտարարությունից հետո զարգացումները եկան վկայելու, որ պարտված վարչապետը չի կարող լավագույնս ներկայացնել Հայաստանի շահերը»,- ասաց նա։

Զոհրաբյանն ընդգծեց, պարտված վարչապետը չունի հեղինակություն ոչ միայն հակառակորդի մոտ, այլ նաև մեր մոտ։

«Հայաստանի վարչապետը ոգևորվում է այն փաստից, որ կարողանում է քայլել Հայաստանում, դեռևս վռնդված չէ»,- նշեց նա՝ ընդգծելով, այսօր վտանգված է մեր անվտանգությունը։