Ձեր վստահելի աղբյուրը

Պատմության մեջ առաջին անգամ Ֆրանսիան և Արաբական Միացյալ Էմիրությունները Հունաստանի, Կիպրոսի և Եգիպտոսի հետ միասին կմասնակցեն MEDUSA զորավարժություններին:

Զորավարժությունները մեկնարկում են այսօրվանից՝ 2020 թվականի նոյեմբերի 30-ից և կտևեն մինչև դեկտեմբերի 6-ը։ Այս մասին գրում է Greek City Times-ը։

MEDUSA զորավարժությունները, որոնք անց են կացվել 2017 թվականից, Պաշտպանության և անվտանգության ոլորտում Կիպրոսի, Հունաստանի և Եգիպտոսի միջև եռակողմ համագործակցության մի մասն է:

Այս համագործակցությունն այս տարի էապես ամրապնդվում է, քանի որ առաջին անգամ մասնակցելու են Ֆրանսիայից և Արաբական Միացյալ Էմիրություններից ժամանած ուժերը:

Բազմազգ զորավարժությունները տեղի կունենա Եգիպտոսի ավելի մեծ Ալեքսանդրիայի տարածքում և Կահիրեի թռիչքների տեղեկատվական շրջանում:

Զորավարժությունների համատեքստում, որը բաժանված է երեք փուլերի, կկիրառվեն որոնողափրկարարական, էլեկտրոնային պատերազմներ, վերգետնյա վարժանքներ և ծովային կազմավորումներ:

Նշվում է, որ Թուրքիան մեկուսացված է զգում Արևելյան Միջերկրական ծովում MEDUSA վարժանքների պատճառով: Թուրքիայի ՊՆ-ն հայտարարել է, թե «զորավարժությունը ևս մեկ անգամ ցույց է տալիս, թե ով է ցանկանում լարվածություն, խուսափում է երկխոսությունից և չի ցանկանում խաղաղություն»։