Ձեր վստահելի աղբյուրը

ՀՀ Ազգային անվտնագության ծառայության  նախկին տնօրեն, «Հայրենիք» կուսակցության նախագահ Արթուր Վանեցյանը ФАН-ին տված հարցազրույցում անդրադարձել է Նիկոլ Փաշինյանի  կողմից տարածվող ապատեղեկատվությանը:

Ներկայացվում է մեկ հատված հարցազրույցի:

Հարց- Ես կցանկանայի անդրադառնալ որոշ թեզիսների, որոնք վարչապետը նշեց քաղաքացիներին ուղղված իր ուղերձի ընթացքում: Նախ ՝ պետական մարմինները միշտ տեղեկություններ են հաղորդել պատերազմի դաշտում տեղի ունեցող դեպքերի մասին, նրանք միշտ ասել են ճշմարտությունը:

Ա.Վանեցյան- Որպես զինվորական՝ ես հիանալի հասկանում եմ, որ պատերազմական շրջանում օգտագործվում է նաև ապատեղեկատվությունը: Բայց ապատեղեկատվությունը պետք է ունենա ինչ-որ շրջանակ, ապատեղեկատվությունը կարող է տրվել առավելագույնը 10-30 տոկոս: Բայց նա (Փաշինյան-FAN) 100 տոկոս ապատեղեկատվություն էր տվել:

Հարց- Որտեղի՞ց են այդ համամասնությունները: Պարզապես չկարողացա գտնել:

Ա.Վանեցյան- Դուք պետք է կատարվածի մասին իրական տեղեկատվություն ունենաք, ինչպես նաև ունենաք հատուկ հմտություններ և հասկանաք, որ դա 100 տոկոս ապատեղեկատվություն էր: Ես բերեմ միայն մեկ օրինակ: Հիշեցնեմ, որ այս «կապիտուլյացիայի ակտը», ինչպես ես եմ անվանում,  եղավ նոյեմբերի 9-ին (փաստաթուղթը ստորագրվեց նոյեմբերի 9-ի լույս 10-ի գիշերը - FAN): Երբ արդեն պարզ էր, որ նա պետք է ստորագրի այս «կապիտուլյացայի ակտը», նոյեմբերի 9-ին օրվա ընթացքում նա իր ֆեյսբուքյան էջում գրեց հետևյալ արտահայտությունը. «Շուշիի համար մարտերը շարունակվում են»: Արդյունքում, այս ակտի ստորագրումից մի քանի օր անց Արցախի նախագահ Արայիկ Հարությունյանը քաղաքացիներին ուղղված իր ուղերձում ասաց, որ նոյեմբերի 4-ից 5-ը մենք ամբողջովին կորցրել էինք վերահսկողությունը Շուշի քաղաքի վրա:

Այսինքն՝ նոյեմբերի 4-ից 5-ը արդեն պարզ էր, որ Շուշին ամբողջովին գտնվում է Ադրբեջանի զինված ուժերի վերահսկողության տակ: Եվ Նիկոլ Փաշինյանը, նոյեմբերի 9-ին, այս ակտի ստորագրումից առաջ, ասում է, որ մարտերը Շուշիի համար դեռ շարունակվում են: Սա ապատեղեկատվությո՞ւն է, թե՞ պարզապես խաբեություն: Կարծում եմ ՝ սա խաբեություն է: Եվ պատերազմի 44 օրերի ընացքում այդ խաբեությունը ուներ մեկ նպատակ՝ մնալ իշխանության: Որովետև ՀՀ Զինված ուժերի գլխավոր շտաբի պետն իր հայտարարության մեջ ասաց, որ պատերազմի 3-4-րդ օրը նա զեկուցել է Փաշինյանին, որ հայկական ուժերը ի վիճակի չեն հաղթել այս պատերազմում, և հարցը պետք է լուծվի դիվանագիտական ճանապարհով:

Նիկոլ Փիշանյանը դրանից հետո հայտարարեց, որ ղարաբաղյան հակամարտության կարգավորման ցանկացած փուլում մենք պետք է հանձնենք Շուշին: Արդյունքում, երբ նա ասաց դա, Հայաստանի արտգործնախարարության մամուլի քարտուղարն ասաց, որ բանակցությունների ընթացքում քաղաքը հանձնելու հարցը չի բարձրացվել:

Դրանից հետո Հայաստանի արտգործնախարարը հրաժարական տվեց, իսկ ՌԴ նախագահ Վլադիմիր Պուտինը ասաց, որ հոկտեմբերի 19-20-ին ինքը Փաշինյանին առաջարկել է խաղաղություն կնքել և լուծել ռազմական գործողությունների դադարեցման հարցը: Այդ ժամանակ խոսք չկար Շուշին, Հադրութի շրջանը և այլ տարածքներ հանձնելու մասին: Առաջարկվեց այսպես կոչված «Լավրովի պլանը», որը ենթադրում էր Լեռնային Ղարաբաղի շուրջ հինգ շրջանների հանձնում: Դրանից հետո բուն Լեռնային Ղարաբաղի կարգավիճակի քննարկում, ապա ևս երկու շրջանի հանձնում: Միևնույն ժամանակ, պետք է պահպանվեր հստակ ցամաքային կապը Լեռնային Ղարաբաղի և Հայաստանի միջև:

Ի՞նչ ունենք հիմա: Մենք ունենք յոթ շրջանների հանձնում, Շուշի քաղաքի, Հադրութի շրջանի և այլ գյուղերի հանձնում: Այսինքն՝ մենք ունեինք 12,5 հազար քառակուսի կիլոմետր, հիմա ընդամենը 2,5 հազար քառակուսի կիլոմետր: Եվ դրան գումարած՝ մենք ստանձնել ենք պարտավորություն Հայաստանի Հանրապետության ինքնիշխան տարածքի՝ Մեղրի քաղաքի միջոցով ապահովել ցամաքային ճանապարհ, որը կկապի Նախիջևանի Ինքնավար Մարզը և Ադրբեջանը: Ի՞նչ է սա նշանակում մեզ համար: Ադրբեջանն ունի ցամաքային սահման Հայաստանի տարածքով իր ինքնավար մարզ, որը սահմանակից է Թուրքիային: Եվ դուք պատկերացնում եք, որ Թուրքիան և Ադրբեջանը կանգ չեն առնի այսքանով: Որոշ ժամանակ անց նրանք պատրվակ կգտնեն բուն Հայաստանի նկատմամբ ագրեսիայի դիմելու համար: Մենք ունենք անհասկանալի լուծում:

Եվ ահա այն, ինչ ես ձեզ ասացի, ինքներդ վերլուծեք, թե իրականում ինչ է կատարվում: Նիկոլ Փաշինյանը և նրա քարոզչությունն ապատեղեկատվությունը որպես գործիք չօգտագործեցին, այլ նրանք պարզապես բացահայտորեն ստեցին ամբողջ հասարակությանը: