Ձեր վստահելի աղբյուրը

ՀՀ Ազգային անվտանգության ծառայության  նախկին տնօրեն, «Հայրենիք» կուսակցության նախագահ Արթուր Վանեցյանը ФАН-ին տված հարցազրույցում պատասխանել է  Հայաստանի անվտանգությանը վերաբերող հարցերին:

Ներկայացվում է հատված հարցազրույցից:

Հայաստանի համար անվտանգության սպառնալիք 

Հարց- Նիկոլ Փաշինյանն ասաց, որ իշխանությունների հիմնական խնդիրը արտաքին ու ներքին անվտանգության ապահովումն է: Որպես մարդ, ով առաջին ձեռքից գիտի, թե ինչ է անվտանգությունը, խնդրում եմ պատասխանել այն հարցին, թե ինչպիսի՞ն է այժմ անվտանգության վիճակը Հայաստանում:

Ա. Վանեցյան- Հայաստանի անվտանգությունն այժմ իրական սպառնալիքի տակ է, քանի որ Լեռնային Ղարաբաղում հակամարտության պատճառով հայկական զինված ուժերը մեծ կորուստներ ունեն: Նաև, անցած 2,5 տարվա ընթացքում Հայաստանում փոխվել են հատուկ ծառայությունների հինգ ղեկավարներ: Հատուկ ծառայությունների ղեկավարությունը շատ-շատ հազվադեպ է փոխվում: Եվ 2,5 տարվա ընթացքում մենք արդեն ունեցել ենք Ազգային անվտանգության ծառայության հինգերորդ տնօրեն, ոստիկանության երրորդ կամ չորրորդ պետ:

Հարց- Եվ բոլորը, համապատասխանաբար, մուտք ունեն դեպի գաղտնի տեղեկատվություն:

Ա.Վանեցյան-Այո-այո: Եվ հիմա մենք ունենք անվտանգության շատ երերուն իրավիճակ: Եվ ես մի քանի անգամ ասել եմ և կկրկնեմ՝ Փաշինյանի անցկացրած յուրաքանչյուր րոպեն վարչապետի աթոռին սպառնալիք է Հայաստանի Հանրապետության և Արցախի Հանրապետության ազգային անվտանգության համար:

Սոթքի հանքավայր

Հարց- Կարո՞ղ եք հստակեցնել իրավիճակը Սոթքի հանքավայրի հետ կապված: Ինչպե՞ս ստացվեց, որ հանքի կեսն այժմ պատկանում է ադրբեջանցիներին:

Ա.Վանեցյան- Երբ մենք ասում ենք, որ Նիկոլ Փաշինյանը պետք է հեռանա, նա ու իր քարոզիչները... Ահա ազգայնական ուժերը չեն ցանկանում համակերպվել ստորագրված եռակողմ հայտարարության հետ, նրանք ցանկանում են վերսկսել ռազմական գործողությունները: Ես մի քանի անգամ պաշտոնապես հայտարարել եմ, որ մենք չենք ցանկանում վերսկսում: Մենք ասում ենք, որ «կապիտուլյացիայի ակտը» ստորագրած անձը բարոյական իրավունք չունի և չի կարողանա ներկայացնել Հայաստանի շահերը այն համաձայնագրում, որը կնքվելու է ստորագրված այս հայտարարությունից հետո:

Այսինքն՝ մենք պարզապես ունենք մարդ,  պարտված «առաջնորդ»,  որը պետք է ներկայացնի ոչ միայն Հայաստանի և Լեռնային Ղարաբաղի, այլ ընդհանրապես ամբողջ ժողովրդի շահերը, բայց նա ի վիճակի չէ: Նա բարոյական իրավունք չունի ներկայացնելու մեր շահերը նման կարևոր հարցում: Նա պետք է հեռանա, նրա տեղը պետք է զբաղեցնի մի մարդ, ով հասկանում է, թե ինչ է պետությունն ու պետականությունը, և ով կարող է խոսել որպես հավասար գործընկեր ինչպես Ռուսաստանի, այնպես էլ Ադրբեջանի հետ:

Հարց- Իսկ ի՞նչ անել հանքավայրի հետ:

Ա.Վանեցյան- Հանքավայրի մասին պայմանագրում, իհարկե, ոչինչ գրված չէ: Բայց Նիկոլ Փաշինյանը և նրա թիմը, լինելով դիլետանտ և չհասկանալով իրենց ստորագրած փաստաթղթի ամբողջ պատասխանատվությունը, չկարողացան լուծել հանքի հարցը: Ի՞նչ են ասում նրանք:  Նրանք ասում են, որ հանքի մի մասը գտնվում է Լեռնային Ղարաբաղում, և այժմ, ըստ այս հայտարարության, այն ընկնում է Ադրբեջանի վերահսկողության տակ: Բայց այս հարցը կարելի էր ի սկզբանե լուծել: Ի՞նչ է կատարվում: Մենք կորցնում ենք հանքի մի մասը, որը երկրում չորրորդ հարկատուն է, այնտեղ աշխատում է ավելի քան հազար մարդ, և դա մեծ նշանակություն ունի Հայաստանի տնտեսության համար:

Հայաստանում տնտեսական իրավիճակն արդեն բարդ է, կորոնավիրուսը շարունակում է ազդել երկրի տնտեսության վրա, պատերազմ էր, որքան գումար ենք ծախսել: Ներդրողները Հայաստան չեն գա Լեռնային Ղարաբաղի հակամարտության պատճառով: Մեր երկրում փոխարժեքն այժմ ընկնում է, և մենք կունենանք շատ լուրջ տնտեսական հետևանքներ ինչպես պատերազմի, այնպես էլ հանքի պատճառով: Երկրի չորրորդ հարկատուն գործնականում դադարում է գոյություն ունենալուց: Ինչպես լինել՝ չգիտեմ: Նիկոլ Փաշինյանը պետք է հեռանա, քանի որ նա ի վիճակի չէ, նա բարոյական իրավունք չունի և չի կարող այնտեղ հանդես գալ և ինչ-որ բաներ անել հանուն Հայաստանի: Նա պարզապես չի կարող:

Հայաստանի ապագան

Հարց-Գիտեք, շատերը չեն համաձայնվի ձեզ հետ և պնդելու են, որ Նիկոլ Փաշինյանը մնա: Ոչ թե նրա համար, որ սիրում են նրան, այլ վախենում են, որ նախկինները հետ կգա: Ինչպե՞ս վարվել դրա հետ:

Ա.Վանեցյան- Հայաստանում, ես արդեն ասացի, կա 100  տոկոսանց կոնսենսուս, որ Նիկոլ Փաշինյանը պետք է հեռանա: Բայց թե ով պետք է գա, կոնսենսուս չկա: Նիկոլ Փաշինյանը 2,5 տարի իշխանության ղեկին է,  դրանից առաջ տասնյակ տարիներ վարկաբեկել է երկրի նախկին ղեկավարներին: Նախկին իշխանությունների նկատմամբ հասարակության մեջ այսպիսի վերաբերմունք կա՝ ավելի լավ է Նիկոլը  քան նրանք: Բայց իրականում այդպես չէ: Սա Փաշինյանի կողմից հերթական մանիպուլյացիան է, որը նա հիանալի օգտագործում է:

Սերժ Սարգսյանի ներկայացուցիչը հստակ պատասխանեց, որ ինքը չի ցանկանում այժմ ակտիվ քաղաքականության մեջ լինել, և ինքը չի լինի երկրի վարչապետ: Կարող ենք նաև վստահորեն ասել, որ Ռոբերտ Քոչարյանը չի ձգտում իշխանության, չնայած պաշտոնական հայտարարություն չի եղել: Ի՞նչ է անում Նիկոլ Փաշինյանը: Նա բոլորին կապում է նախկինների հետ, այդ թվում նաև ինձ. մարդ, որը հայտնի դարձավ երկրի հասարակությանն ու բնակչությանը, իսկ քաղաքական գործունեությամբ սկսեց զբաղվել Հայաստանում այսպես կոչված 2018 թ. հեղափոխությունից հետո: Նա ինձ կապում է նախկինի հետ. մարդ, ով հեղափոխությունից անմիջապես հետո դարձավ ՀՀ ազգային անվտանգության տնօրեն:

Ես այդ հեղափոխության խորհրդանիշներից մեկն էի: Ես ասել եմ և ուզում եմ ասել մեր ռուսախոս հեռուստադիտողների համար, որ այսպես կոչված նախկիններից ամենամեծ կարիերան Նիկոլ Փաշինյանն է արել: Նա երկու անգամ ընտրվել է պատգամավոր և դարձել վարչապետ: Ես Ազգային անվտանգության ծառայության աշխատակից էի, ինձ պես հազարավորներ կային: Եվ հիմա նա ինձ կապում է նախկինի հետ, և բոլորին վախեցնում է, որ նախկինները կամ իրենք են գալու, կամ իրենց հետ կապ ունեցող  այլ դեմք:

Այս ամենը սովորական մանիպուլյացիա է: Ես հիանալի հասկանում եմ, որ երկար տարիներ նման աշխատանքը, որն իրականացվում էր հասարակության մեջ, որոշակի արդյունք տվեց: Բայց այս ամենն անցել է, և այլևս հարց չկա, թե ով է գալու իշխանության, ով է ղեկավարելու երկիրը: Հիմա հարցը վերաբերում է մեր Հայրենիքը փրկելուն: Եվ այն մարդը, ով համաձայն կլինի դժվար պահերին ղեկավարել երկիրը, պետք է լինի ուժեղ հայրենասեր, ով հասկանում է, որ բոլորը չէ, որ նրանից գոհ կլինեն: Եվ միգուցե մեկ կամ վեց ամիս հետո մարդիկ բացասական վերաբերմունք ունենան նրա նկատմամբ, և նա ընդհանրապես կհեռանա քաղաքականությունից:

Հարց- Եվ վերջին հարցը: Ակնհայտ է, որ բացի Ռուսաստանից, Հայաստանը դաշնակից չունի: Սա հասկանալի է ինձ, հասկանալի է ձեզ:  Պատերազմից, ԱՄՆ-ի և այլ երկրների արձագանքից հետո, հեղափոխության ընթացքում հակառուսական պաստառներով կանգնածների համար պարզ դարձա՞վ:

Ա.Վանեցյան- Ոչ: Նրանք դեռ, ես ներողություն եմ խնդրում նման բառի համար, ատում են Ռուսաստանը: Նրանք ուզում են, որ Հայաստանը այլ ալիքի վրա լինի: Իսկ մնացած հայ ժողովուրդը գիտակցեց, որ Ռուսաստանը մնում է միակ իրական դաշնակիցը, որն օգնում է Հայաստանին: Ես բարձր եմ գնահատում այն, ինձ անձամբ արեց Ռուսաստանի Դաշնության նախագահ Վլադիմիր Պուտինի: Իր վերջին հարցազրույցում նա ասաց. «Չնայած քաղաքական ղեկավարության անձնական հարաբերություններին, հայ և ռուս ժողովուրդները հավերժ եղբայրական են եղել»:

Պատմականորեն եղբայրական ժողովուրդներ էին, և դա պետք է պահպանել: Վստահ եմ, որ Հայաստանն ու Ռուսաստանը պետք է շատ ամուր կապեր ունենան: Հայերն ու ռուսները, ներառյալ մեր երկրների իշխանությունները, պետք է ամեն ինչ անեն հանուն ընդհանուր շահի: