Ձեր վստահելի աղբյուրը

Լեռնային Ղարաբաղի տարածքում գտնվող ռուսական խաղաղապահ ուժերը շարունակում են ինտենսիվ աշխատանքը՝ անցակետերի ինժեներական կառույցների տեղադրման ուղղությամբ: Գործը մեկ րոպե չի դադարում: Այս մասին գրում է rusvesna-ն ու ներկայացնում նոր ֆոտոռեպորտաժ՝ չճանաչված Արցախի Հանրապետությունից:

Ղարաբաղի տարբեր մասերում ի հայտ են գալիս ժամանակակից իսկական փոքր ամրոցներ, որոնք նախատեսված են անձնակազմին ռմբակոծություններից պաշտպանելու ու նրանց  հարմարավետ տեղավորման համար։ Օրերս նման ռազմական օբյեկտ է ստեղծվել Շուշի քաղաքի մոտակայքում:

Այս պահին նման ամրացված պոստերը ակտիվորեն կառուցվում են Զարիսլի գյուղի և Լիսագորի տարածքներում: Խաղաղապահները ստիպված են աշխատել դժվար պայմաններում, քանի որ ձմեռ է գալիս, և պետք է ժամանակին հասցնել այն, մինչև  ցուրտ եղանակը վերջապես կտիրի այս տարածաշրջանում:

Յուրաքանչյուր անցակետ կստուգվի իդեալականորեն և կստեղծի առավել հարմարավետ պայմաններ՝ հանձնարարված առաջադրանքների հաջող ավարտի համար:

Հագեցած դիրքերը հուսալիորեն կպաշտպանեն խաղաղապահներին փոքր զենքի կրակներից, ականանետերից և ավտոմատ թնդանոթներից: Ավելին, դրանք կունենան ամեն ինչ, երկար բնակության համար. տաք ջրով ցնցուղ, բիոզուգարան, ինչպես նաև անձնակազմի հանգստի համար տաք և հարմարավետ վայրեր:

Նշվում է, որ համաձայն Ռուսաստանի Դաշնության և Ադրբեջանի Հանրապետության Նախագահների ու ՀՀ վարչապետի համատեղ եռակողմ հայտարարության պայմանների՝ Ռուսաստանի խաղաղապահ զորակազմը կլինի Ղարաբաղում հինգ տարի ժամկետով։