Ձեր վստահելի աղբյուրը

Մասիսի քաղաքապետ Դավիթ Համբարձումյանը գրում է. 

«Դիմում եմ Հայաստանի բոլոր համայնքների ղեկավարներին և ավագանիների անդամներին:

Հայրենակիցներ, մենք, տեղական ինքնակառավարման մարմինների ներկայացուցիչներս, ամենամոտն ենք կանգնած մեր ազգաբնակչությանը և գիտենք մարդկանց ամենօրյա խնդիրները: Այսօր, սակայն, այդ խնդիրներն անգամ մղվել են երկրորդ պլան: Այսօր ոտնահարված է ազգի արժանապատվությունը, վտանգված է Հայոց պետականության գոյությունը:

Դրա միակ մեղավորը վարչապետ Փաշինյանն է իր արկածախնդիրների խմբակով: Կոչ եմ անում ձեզ բոլորիդ միանալ նրա հրաժարականը պահանջող համայնքներին և միասին սկիզբ դնել ազգային փրկության»։

Հիշեցնենք, որ Սյունիքի համայնքների ղեկավարներն ու ավագանու անդամներն հայտարարություն էին տարածել՝ պահանջելով Նիկոլ Փաշինյանի հրաժարականը։ Ավշարի համայնքապետարանը, համայնքի ղեկավարի գլխավորությամբ և Քասախի համայնքի ղեկավարը նույնպես պահանջում են Փաշինյանի հրաժարականը։ Երեկ ընդդիմադիր ուժերի հանրահավաքի ժամանակ ՀՅԴ-ական Գեղամ Մանուկյանը հայտնել էր, որ այլ համյանքներ ևս կան, որոնց ղեկավարները պահանջում են Փաշինյանի հրաժարականը։