Ձեր վստահելի աղբյուրը

Եզրափակելով խորհրդարանական լսումները՝ «Լուսավոր Հայաստան» խմբակցության ղեկավար Էդմոն Մարուքյանն իր ելույթում անդրադարձավ հնչած ելույթներում արտահայտած մտքերին: Նա չհամաձայնեց մասնակիցներից մեկի ելույթի ժամանակ  արտահայտած այն մտքի հետ, որ վարչապետի թեկնածուները պետք է ներկայացնեն իրենց  թիմերը: Ըստ Մարուքյանի, եթե վարչապետի թեկնածուն ներկայացնի  թիմ, այն կնշանակի, որ նա բացառում է այլ ուժերի, քաղաքական թիմերի հետ ներառական գործընթացներ տանելը և անցումնային կառավարություն ձևավորելը:

Նրա կարծիքվ, դա կարող է արվել այն բանից հետո, երբ կլինի անցումնային վարչապետի թեկնածության շուրջ կոնսենսուս, կամ կընտրվի վարչապետի թեկնածու:

Այդ ժամանակ, ըստ Մարուքյանի, բոլոր այն ուժերից, որոնք մասնակցել են այդ կոնսենսուսին, կընտրվեն իրենց ոլորտներում հաջողությունների հասած մասնագետները:

Հաստատելով, որ եղել է իր ևՎազգեն Մանուկյանի հանդիպումը կազմակերպելու առաջարկություն՝  «Լուսավոր Հայաստան» խմբակցության նախագահը հայտնեց, որ նման հանդիպում եթե լինի, ապա հրապարակային է կազմակերպվելու, քանի որ իրենք կողմ են թափանցիկ գործելաոճին:

Անդրադառնալով ելույթներում հնչած այն կարծիքին, որ Մշակույթի նախարարությունը փակելը սխալ էր՝ Մարուքյանը նշեց, որ ժամանակին իրենք պայքարել են վերոնշյալ և  Գյուղատնտեսության նախարարությունների լուծարման դեմ:

Նա հիշեցրեց, որ ժամանակին «Լուսավոր Հայաստանը» պայքարում էր ԿԳՄՍ նախարարին հեռացնելու համար, և նկատելով, որ միայն հիմա վարչապետն այն արեց, պատգամավորը տարակուսանք հայտնեց, թե պատերազմի հետ ինչ կապ ուներ նախարարի հեռացումը:

«Վարչապետը փորձում է որպես շանթարգել օգտագործել իր նախարարներին և կայծակի հիմնական հարվածը իրենից հեռու պահել, բայց չի լինի այդ բանը, որովհետև հիմնական պրոբլեմն ինքն է»,-եզրափակեց Էդմոն Մարուքյանը և ներկաներին շնորհակալություն հայտնեց լսումներին մասնակցելու համար: