Ձեր վստահելի աղբյուրը

Հայաստանի  884 849 հպա՜րտ քաղաքացիներ․․․ դուք ձեր կատարած ընտրությունից գո՞հ եք։ Էնքան ուժ ունե՞ք, որ մինչև վերջ նայեք, թե ոնց է թուրքը դանակով մորթում հայ ծերունուն։ Ո՞վ տվեց թուրքին այդ իրավունքը, եթե ոչ ձեր պաշտած սնամեջ կուռքը։ Թե՞ մտածում եք Արցախում կատարվածը ձեր տներին չի հասնի։  Ո՜նց չէ․․․ նախքան Սումգայիթն  էլ մտածում էինք, որ  ցեղասպանության սարսափներն այլևս չեն կրկնվի։

Ուշքի եկե՛ք, ադրբեջանցին GPS-ն առած մեր սահմաններն է իր հայեցողությամբ գծում, իսկ վախից կուչ եկած  «ազգընտիր» դավաճանը, ով  դեռ իրեն վարչապետ է երևակայում, բախտի քմահաճույքին է թողել մի ստորագրությամբ սահմանամերձ դարձած համայնքների բնակիչներին։ Կարո՞ղ  է Հայաստանում GPS-ին տիրապետող մանագետ չկա, որ մենք մեր սահմաններին տեր կանգնենք, պետություն չունե՞նք, որ  խաղաղ բնակիչներին տեր կանգնի։   

Անտերություն է երկրում․․․ չէ, ավելի վատ՝ երկրի տեր կոչվածը  դավաճան է ու թշնամի, ով ծախեց հող ու պատերազմ, խմեց 5000 զինվորի արյուն, հազարներին դարձրեց հաշմանդամ,   և այդքանից հետո չի էլ  ուզում հեռանալ։ Ինչո՞ւ։  Ի՞նչն է կիսատ թողել․ Սյունիքը  թուրքին հանձնե՞լը, թե  քաղաքացիական պատերազմ հրահրելը։

Անտեր սահմանները պահպանելու փոխարեն  էլ ոստիկանները պահպանում են  դավաճանին։ Կանե՞ն արդյոք ավելին, կենթարկվե՞ն արդյոք  ժողովրդին ճնշելու ավելի դաժան  հրամաններին․․․ Հազիվ թե հայ ոստիկանները մասնակցեն  արյունալի  բախումների, ինչը հաստատ չես ասի անհայրենիք վարձկանների մասին։

Իսկ արդյո՞ք հենց նման արյունալի  սցենարի համար չէր ԱԱԾ անփառունակ  ու կարճաժամկետ տնօրեն Արգիշտի Քյարամյանը հայկական անձնագրեր տրամադրել հայերենին տիրապետող 1400 ադրբեջանցիների։  Լուրը, ի դեպ,  ոչ ոք չի հերքել։

Հենց այս պահին դավաճանի հաժարականի պահանջով քաղաքացիական անհանազանդության ակցիաներ են տեղի ունենում ողջ հանրապետությունով մեկ։ Ոստիկանները տասնյակներով  բերման են ենթարկում ակցիաների մասնակիցներին, իսկ ԱԺ-ում իմքայլականները  լուրջ դեմքերով օրենսդրական գործունեության իմիտացիա են ցուցադրում, իբր իրենք անմասն են գերագույն դավաճանի հանցանքներից։ Իզո՜ւր։ Միասին եք ցանել այսօրվա սերմերը, միասին էլ կրելու եք պատասխանատվությունը։

Դուք բոլո՛րդ եք մորթել անօգնական ծերունուն․․․ բոլորդ՝  պատգամավորները, նախարարները, ՀՀ նախագահը, ԱԱԾ-ն, դատախազությունը, ոստիկանությունը, գերագույն դավաճանի անմիտ հրամաններին ենթարկված և շտաբում նրա կնոջ ներկայությունը հանդուրժած զինվորականները․․․ ինչպես նաև դուք՝  884 849 հպա՜րտ քաղաքացիներ, որ կռապաշտորեն երկրի ղեկը հանձնեցիք  շանտաժիստ պոպուլիստին։ 

Թող այդ մորթվող ծերունու խռխռոցը դառնա ձեր մշտական մղձավանջը․․․

Լիա Իվանյան