Ձեր վստահելի աղբյուրը

11:54
Քաղաքացիներից մեկը հայտնեց.
«Փաշինյանը կառավարության շենքն ավելի լավ ու ամուր է պաշտպանում, քան պաշտպանեց Քարվաճառը, Շուշին: Շուշին հանձնել է քաղաքական որոշմամբ, Քարվաճառում երեք օր մարտեր են ընթացել, մերոնք ուղղակի սատկացրել են թշնամուն, բայց հանձնվեց թշնամուն:

Փաշինյանը թուրքի դեմ ծնկի եկող ղեկավար է: Ողջ պատերազմի ընթացքում այնպես վարվեց, որ եկավ, հասավ նոյեմբերի 9-ն ու ստորագրեց խայտառակ պայմանագիրը: Բացատրություն ենք ուզում՝ ինչո՞ւ եղան բազմաթիվ բաներ, որոնք բերեցին այս ստրագրությունը: Ինչպե՞ս եղավ մի նեղ կածանով 150  հոգով մտան Շուշի, ինչո՞ւ էր այդ կածանը բաց: Ես չունեմ այդ ու այլ հարցերի պատասխաններ:Իսկ Նիկոլ Փաշինյանը պաշտպանված մտել է  այս շենքն ու դուրս չի գալիս:

Մենք խուլիգաններ չենք, ուզում ենք խաղաղ ձևով ներկայացնեն, թե ինչ է կատարվում երկրում: Երկրում ուղղակի չկա իշխանություն, քիչ թվով մարդիկ եք, որոնք ուզում են մնա Նիկոլ Փաշինյանը:
Քաղաքում գնում ենք գործողությունների՝ ցույց տալով որ մենք հանձնվողը չենք, հետ գնացողը չենք, այս իշխանությունը, Փաշինյանը գնալու են»: 
 

11:44
Ակցիայի մասնակիցները հայտարարեցին, որ ցանկանում են մտնել կառավարության շենք ու հանդիպել  Փաշինյանի հետ:

«Ոստիկանություն, ձեր գերագույն գլխավոր հրամանատարը հայտարարել է, որ ժողովրդի կառավարության շենք է, ազատ կարող ենք մտնել: Մենք վայրենի չենք, այս շենքի արժենք էլ լավ գիտենք, մեր վճարած հարկերով է այս շենքը սպասարկվում, այնպես, որ որևէ բան չենք փչացնելու: Պարզապես ցանկանում ենք մտնել ներս, հանդիպել այն մարդու հետ, ով չի տիրապետում իրավիճակին, չգիտի՝ ինչ վիճակ է  Սյունիքում»,- ասաց ակցիայի քաղաքացներից մեկը:

Ոստիկանության և Փաշինյանի հրաժարականը պահաջող ցուցարարների միջև քաշքշուկ սկսվեց: Այնուհետև քաղաքացինեը ձեռքերը վեր բարձրացրեին՝ գոռալով՝ «Առանց Նիկոլ Հայաստան», «Առանց Նիկոլ Հայաստան»: 

11։25
«Ո՞ւմ եք պաշտպանում:  Սուտ Նիկոլի՞ն, դավաճան Նիկոլի՞ն, ով ծախեց հողերը: Հայաստանն ես ծախել քո կնոջ հետ»,- դիմելով կառավարության շենքի դիմաց հավաքված ոստիկաններին՝ ասաց Փաշինյանի հրաժարականը պահանջող քաղաքացիներից մեկը:

Նշենք, որ կառավարության դիմաց Փաշինյանի հրաժարականի պահանջով բողոքի ակցիաէ, իսկ ներսում ընթանում է կառավարության հերթական նիստը:

«Այսօր լրանում է մեկ ամիս, ինչ Փաշինյանը դավաճանաբար ստորագրեց մի փաստաթուղթ, որով հանձնեց 10 հազար քառակուսի կիլոմետր տարածք: Դավաճանեց նորանկախ Հայաստանի պատմությունը, դավաճանեց Արցախի համար զոհված մեր բոլոր զոհերին: Դեռ չլրացած մեր զոհերի 40 օրը, Նիկոլ Փաշինյանի կառավարության անդամները խոսում են թշնամի Ադրբեջանի հետ հարաբերություններ ստեղծելու մասին, այնինչ Ալիևը շարունակում է խոսել հաղթողի, թելադրողի դիրքերից»,- հայտարարեց հանրահավաքի մասնակցիներից մեկը:

«Պոլիտէկոնոմիա» հետազոտական ինստիտուտի տնօրեն Անդրանիկ Թևանյանի խոսքով, պատերազմը ցույց տվեց, որ այս իշխանությունները ոչ միայն չեն պայքարում կոռուպցիայի դեմ, այլ խոշորագույն կոռուպցիոներներն են, որի գինը դարձել է նաև մեր զոհված 5000 զինվորները:

«Այն ԱՍԱ, ԱԿԱ-ները, որոնք առել են թանկ գնով, չեն աշխատել, մետաղի ջարդոն են եղել, ՍՈւ 30  ինքնաթիռներն առանց հրթիռ են եղել, նույնպես կոռուպցիոն գործարք է, չհաշված այն մեծագույն դավադրությունը, որի մասին ողջ հայ ժողովուրդն է խոսում՝ այդ 5 միլիարդի պատմությունը: Սա պետք է բացահայտվի իշխանափոխությունից հետո ստեղծվելիք հանձնաժողովի գործունեության արդյունքում, մենք պետք է հասկանանք, թե Հայաստանն այս օրին հասավ հիմարությա՞ն, թե՞ դավաճանության արդյունքում»,- նշեց նա:

Ա. Թևանյանն ընդգծեց՝ եթե այս իշխանութոյունը մնա, արդեն հանձնելու են Սյունիքն ու թուրքական «Բայրաքթարներին» դիմավորենք Երևանի վրա: 

Նա նշեց, որ կապիտուլյանտ իշխանությանը թույլ չպետք է տալ կազմակրեպել ընտրություններ, քանի որ լեգիտիմ չէ: 

«Ժողովուրդն ինքը պետք է իր ձեռքը վերցնի  իշխանությունն ու կազմակերպի ընտրություններ»,- ասաց Ա. Թևանյանը: 

Նա հայտնեց, որ պատրասվելու են համապետական հանրահավաքի, օրը լրացուցիչ կհատարարվի:

«Այդ օրը ավելի քան 200 համայնքի ղեկավար, ներկայացուցիչներ, բոլոր արժանապատիվ քաղաքացիները մասնակցեն հանրահավաքին ու պետք է լինի վճռական խոսք: Ոչ ասենք թուրք-ադրբեջանական ծրագրին, թուրքական 5-րդ շարասյանը Հայաստանում, ոչ ասենք այս քաղաքական իրավիճակին ու նոր հնարավորություն ստեղծենք Հայաստանի զարգացման համար»,- ասաց Անդրանիկ Թևանյանը: 

Ա. Թևանյանը կոչ արեց քաղաքացիներին մանրադրամներ նետել կառավարության դիմաց, քանի որ Փաշինյանի իշխանությունը հիմնված է փողի վրա:
«Մանրադրամներ նետեք, թող կշտանան  իրենց պարգևավճարներով: 30 արծաթը թող ստանան ու հեռանան այստեղից»,- նշեց նա:

Անդրանիկ Թևանյանը նաև հավելեց, որ ռուսները կանխեցին Արցախի ամբողջական հանձնումը, այդ ծրագիրը հիմա տեղափոխվել է Հայաստան, և դրա շարունակությունը հետևյալն է.

«Թուրքիան պատերազմը սկսել էր՝ օգտագործելով Նիկոլ Փաշինյանի սադրանքները։ Թուրքիայի համար, սակայն, պատերազմը ոչ թե Արցախի, այլ Սյունիքի համար էր։ Հիմա Սյունիքի վրա կրկին շարունակվում են հարձակումները, և ադրբեջանա-թուրքական մամուլում կրկին հայտնվում են տեղեկություններ, որ Սյունիքի ուղղությամբ պետք է իրականացնել գրոհ, պետք է իրականացնել սադրանք, որպեսզի հնարավոր լինի մինչև վերջ իրագործել Էրդողանի ծրագիրը։ Կրկնում եմ, ռուսները կանխեցին Արցախի ամբողջական հանձնումը, քանի որ Հայաստանի ներսից կազմալուծվել էր Արցախի բանակը, այն վերածվել էր «էրատո» ջոկատների, պոռնկանոցների։ Հիմա պրոբլեմը Սյունիքն է»։

Անդրանիկ Թևանյանը ներկայացրեց նաև, թե հիմա ինչ են ուզում անել թուրքերը։ Նրանք ուզում են Հայաստանում պահել այն իշխանությունը, որի շնորհիվ կարողացան տիրանալ Արցախի 9 շրջաններին։

Դրանից հետո քաղաքացիները սկսեցին մանրադրամներ նետել կառավարության դիմաց:

«Հայաստանն առանց Նիկոլ», Հայաստանն առանց Նիկոլ», «Նիկոլ հեռացիր», «Նիկոլ հեռացիր»՝ վանկարկում են քաղաքացիները: