Ձեր վստահելի աղբյուրը

«Կենսագրություն, պատմություն չունեցող պետության ղեկավար Ալիևը  շքերթի ժամանակ Հայաստանին ուղղված բաներ է հայտարարում, այդ իրավունքը նրան տվել է Նիկոլ Փաշինյանը, գիտեն, որ մենք փաստացի իշխանություն չունենք»,- լրագրողների հետ հանդիպմանն ասաց ԲՀԿ նախկին պատգամավոր Արագած Ախոյանը։

Նա նշեց, որ Հայաստանի դարպասները բաց են, ադրբեջանական զինվորները սահմաններն են առաջ բերում, քանի որ իշխանություն չկա, «վարչապետ» Փաշինյանն իր դիրքերը հանձնել է նաև քաղաքական դաշտում»։

Ա. Ախոյանը հարցով դիմեց Նիկոլ Փաշինյանին, թե ինչո՞ւ չի պատասխանել Ալիևին. «Մամուլի քարտուղարի մակարդակով է պատասխանում։ Այո, մամուլի քարտուղարից ցածր եք, ի զորու չեք Ադրբեջանի նախագահին պատասխանել»։

«Այս ազգին մինչև վերջ ստորացրել եք, ինչո՞ւ չեք պատասխանում Ալիևին։ Պարտավոր են պահել մեր երկրի պատիվը, բայց ո՞նց պահեն այդ անպատիվները, դուք ի՞նչ պատիվ, թասիբ ունեք, ի՞նչ մարդ եք։ Մարդ չեք, հայի տականքն եք, որ այսօր այս ազգին հասցրեցիք այս վիճակի։

Ալիևին պետք է պետության ղեկավարի կողմից պաշտոնական պատասխան տրվեր, բայց գլուխները կախած ո՞նց  տան, ո՞վ է  ի վիճակի տալու, այն մարդը, ով, երևի,  գործարքների մեջ է մտե՞լ։ Չի կարող պատասխան տա, նրա դիմաց այնքան բան կդնի, որ ժողովուրդն  արդեն ուղղակի սամասուդ կանի։ Նրանք էլ փաստեր ունեն,  հենց այնպես չէին խոսի։ Նվաստացում է մինչև վերջ ոչ հայ ժողովրդին, այլ այս հիմար իշխանությանը»,- ասաց Ա. Ախոյանը։

Նրա խոսքով, պաշտոնյաները,  իշխանական պատգամավորները դեռ իրենց պատիվը փրկելու ժամանակ ունեն, պատգամավորները պետք է դուրս գան խմբակցությունից,  կանգնեն այն ուժերի կողքին, որոնք ի վիճակի են բան փոխել։

«Այնքան խորը բաժանեցին հնի ու նորի, որ այսօր չի միաձուլվում։ Գոյություն ունի երրորդ ուժ, մասնակցելու է բոլոր քաղաքական պրոցեսներին, փորձելու է երկիրը դուրս բերել այս վիճակից։
Երբ խոսում ենք հներից, միանգամից հիշում եմ Լևոն Տեր –Պետրոսյանին։ Երբ որ խսում ենք թալանից, հիշում եմ 90-ականների թալանը, խորհրդային միության հարստությունը մսխվեց»,- նշեց Ա. Ախոյանը։

Նա ասաց, որ 60-70 հազար մարդ փողոցում  գոռում է «Նիկոլ, դավաճան»։  Ըստ Ա. Ախոյանի, պետք է իրավապահ մարմիններն անմիջապես ուսումնասիրեն բոլոր փաստերը, քրեական գործ հարուցեն  վարչապետի, նրա վարչակազմի նկատմամբ։

«Պետք է շուտ արվի, այլապես գնալով կորցնում ենք»,- նշեց նա։

Նախկին պատգամավորը վստահ է՝ այսօրվա պատկերը Փաշինյանի վարած 2,5 տարվա քաղաքական հետևանքն է։ Նա  ասաց, որ միտումնավոր  հասցրել են պարտության, մինչև այդ ժողովրդի մեջ տարածելով ատելություն, նաև՝ «Երկրապահին» թուլացնելով։

«Մարտի դաշում էլեմենտար ռադիոկապ չունեին, ոչ կոմպիտենտ հրամանատարներ էին, պատերազմից չհասկացող կերպարներ։ Զոհված զինծառայողների ընտանիքներին եմ ասում՝ ձեր երեխաների գլուխները կերել են, չեն կարողացել մարտը կազմակերպել, տարել  ու թողել են թշնամու թիրախում։  Բազմաթիվ ապացույցներ ունենք, քանի հազար վկա է պետք, բերեմ։
Այնտեղ, որտեղ հրամանատարները դեռ 1990-ականներին հաղթանակ կերտողներին էին, ամուր  պահել են դիրքերը, ճեղքում չի եղել։

Հարավից եկան, պտտվեցին, մտան Շուշի։ Այս ի՞նչ հեքիաթ է, ֆանտաստիկայի ժանրից է։
Երբ հայտարարեցին՝ Շուշին ընկել է, կապով Շուշիում գտնվող տղաների հետ ենք խոսում, ասում են՝ ինչ ընկնել, նստած սուրճ ենք խմում, թեև պատերազմական վիճակ է, կան դիվերսիոն խմբեր։
Շատերը հետնահանջի հրահանգով են դուրս եկել։ Սա պլանավորված էր։ Ուղղակի հանձնման պրոցեսը պետք է շուտ լիներ, բայց ի պատիվ հայ զինվորի, դիմադրում էին թշնամուն»,- պատմեց Ա. Ախոյանը։

Նա զարմացած է, որ Սասուն Միքայելյանը դեռ «Իմ քայլը» խմբակցության անդամ է. «Պարոն Միքայելյան, էս հլը դուք «Իմ քայլո՞ւմ» եք։ Ուրիշ բան չունեմ ասելու։ «Երկրապահի» ինստիտուտը քանդվեց պլանավորված, որպեսզի այս պատերազմում չկարողանան ինքնակազմակերպվել, և այն հզոր ուժը, որ կանգնած էր բանակի կողքին, այլևս գոյություն  չունենա։

Դիտավորյալ է արվել։ Դիտավորրյալ, տուշոնկա-մուշոնկա հա՞։  Գետինը մտնեք, գնացեք, կերեք այդ տուշոնկաները, թուրքի խրամատներում են, կերեք, կշտացեք։  Ամոթ  ձեզ, որ նման մարդկանց, գեներալիտետին, որոնք պատերազմ էին հաղթել, դրեցիք ու նվաստացրեցիք։ Բայց նրանք հերոս էլ մնացել են։

Բաժանեցին սև ու սպիտակի, «գալուբոյներին» դրեցին իշխանության մեջ, սոռոսներ, ինչ զիբիլներ, ազգը բզռտեցին, հիմա էլ, ոնց որ, արյուն են ուզում հա՞»,- նշեց Ա. Ախոյանը։

Ըստ նրա, միակ փրկությունը Փաշինյանի հեռանալն է. «Գետնից ցածր ես, էլ տեղ չունես իջնելու։ Վերջին վարտությո՞ւնն ես ուզում անել ժողովրդին»։