Ձեր վստահելի աղբյուրը

Քաղաքացիները փակել են Զվարթնոց օդանավակայան տանող ճանապարհը, նրանք պահանջում են Նիկոլ Փաշինյանի հրաժարականը:

Ցուցարարները հայտնում են, որ նախորդ օրվը գիշերը տեղի ունեցած դեպքերը ցույց տվեցին, որ Նիկոլ Փաշինյանը պատրաստ է ցանկացած պահի լքել հայրենիքը, այդ պատճառով էլ իրենք  խորհրդանշական փակում են օդանավակայանի ճանապարհը՝ ասելով, որ պատասխանատուների համար Հայաստանից դուրս գալու ճանապարհ չի լինի:

«Չի լինելու մեկը, ով Նիկոլ Փաշինյանի հանցակիցն է և կկարողանա ուղղակի լքել երկիրը՝ մնալով անպատժ: Հանկարծ չլինի իմքայլականներից կամ նրանց շրջապատից մեկը, ով, ունենալով ԱՄՆ վիզա, հույս կտածի, որ իր վիզան փրկելու է իրեն»,- հայտնեց ցուցարարներից մեկը:

Ակցիայի մասնակիցները հայտնեցին, որ շարունակելու են ակցիաները այնքան ժամանակ, մինչեւ դավաճանը հեռանա, և գա նոր մարդ, ով կկարողանա բանակցել  Արցախից ինչ-որ բան պահելու համար:

«Այս 2.5 տարվա ընթացքում ամեն ինչ սուտ ու կեղծիք է եղել, խաբեբա Նիկոլը պետք է հեռանա»,-ասաց ակցիայի մասնակիցներից մեկը:

Նիկոլ Փաշինյանի հրաժարականի պահանջով վերջին օրերին անհնազանդության բազմաթիվ ակցիաներ են տեղի ունեում, որոնց միացել է ավելի քան 200 գյուղ։