Ձեր վստահելի աղբյուրը

«Նիկոլ Փաշինյանն ու իր վարչախումբը, իր ոհմակը, Հայաստանը բերել է կործանման՝ հանձնելով հայրենիքի հողերի 25 տոկոսը, հանգեցնելով 5000-ից ավելի զոհերի, հանգեցնելով 10 000-ից ավելի հաշմանդամների»,-այս մասին արժանապատվության քայլերթի ընթացքում ասաց ՀՅԴ-ական Արծվիկ Մինասյանը։

«Այսօր էլ ձգտում է պահպանել իր սոսնձված աթոռը և պատրաստ է գնալ նոր զիջումների։ Յուրաքանչյուր պահ, յուրաքանչյուր օր նոր կորուստներ է մեր երկրին ու ժողովրդին սպասվում»,-ասաց Մինասյանն ու դիմեց սփյուռքահայությանը․

«Սիրելի սփյուռքահայեր, դուք, որ ընդամենը մեկ ամիս առաջ ամբողջությամբ և վճռականությամբ տրամադրված կանգնել էին հայրենիքի փրկության կողքին, այսօր դուք էլ եք դավաճանված,որովետև Հայաստանի իշխանությունը գնացել է խայտառակ համաձայնության՝ զիջելով հայոց պետականությունն ու հայ ժողովրդի նվիրական երազանքները»։

Մինասյանը կոչ արեց սփյուռքահայությանը միանալ,որպեսզի ուժեղանանք և կերտենք մեր երազանքների Հայաստանը։

«Մենք պետք է բռունցվենք, քանի որ թուրքը, ադրբեջանցին  ձգտում է Հայաստանը պատառ-պատառ անել։ Ամեն օր ամեն վայրկյանը մենք կորցնում ենք։ Եթե չմիանաք, վաղը էլ Հայաստան չի լինեու»,- ասաց նա։