Ձեր վստահելի աղբյուրը

«Եվս մեկ անգամ  բոլորս ապացուցում ենք, որ արժանապատիվ ազգ ենք և ինչ-որ մի խղճուկ չի կարող կոտրել հայ ազգի արժանապատվությունը։ Մենք բոլորս միասին հանուն մեր հայրենիքի, հանուն մեր նվիրական մեծ հայրենիքի՝ Հայաստանի և Արցախի, «ոչ» ենք ասում այս դավաճան իշխանություններին, այս սրիկաներին, որոնք խաբելով մեզ բերեցին հասցրեցին այս աղետալի վիճակին»,- երթի ընթացքում ասաց «Հայրենիք» կուսակցության նախագահ Արթուր Վանեցյանը։

Նրա խոսքով՝ «Հայրենիքի փրկության շարժումը» իրականում միտված է մի բանի՝ փրկել մեր հայրենիքը կործանումից։

«Մինչ այս պահը մենք տեսնում ենք, որ երթը չի ավարտվում, տասնյակ հազարավոր մարդիկ գալիս, միանում են։ Եվ շատ կարճ ժամանակում Նիկոլին, որ կառչել է իր աթոռից, քշելու ենք կառավարական շենքից և նա պատասխան է տալու հայ ազգի դիմաց։ Նիկոլ հեռացի′ր, հեռացի′ր անցնցում»,- ասաց Արթուր Վանեցյանը։