Ձեր վստահելի աղբյուրը

Ռուսաստանի նախագահ Վլադիմիր Պուտինը շնորհավորական հեռագիր է հղել Ջոզեֆ Բայդենին և շնորհավորել նրան՝ ԱՄՆ նախագահական ընտրություններում տարած հաղթանակի կապակցությամբ: Այս մասին այսօր հաղորդել է Կրեմլի մամուլի ծառայությունը, գրում է Tass-ը։

Հեռագրում Պուտինը հաջողություն է մաղթել ընտրված նախագահին և համոզմունք հայտնել, որ Ռուսաստանն ու ԱՄՆ-ը, որոնք հատուկ պատասխանատվություն են կրում գլոբալ անվտանգության և կայունության համար, կարող են, չնայած իրենց տարաձայնություններին, իսկապես նպաստել լուծելու բազմաթիվ խնդիրներ և մարտահրավերներ, որոնց ներկայում աշխարհը բախվում է:

Պուտինը նաև նշել է, որ հաշվի առնելով այն, որ ռուս-ամերիկյան համագործակցությունը, որը հիմնված է հավասարության և փոխադարձ հարգանքի սկզբունքների վրա, կնպաստեր երկու երկրների ժողովուրդների և ամբողջ միջազգային հանրության շահերին:

«Իմ կողմից, ես պատրաստ եմ ձեզ հետ փոխգործակցության և շփումների», - ընդգծել է Ռուսաստանի ղեկավարը՝ Բայդենին ուղղված ուղերձում:

Հիշեցնենք, որ ԱՄՆ-ի Ընտրական կոլեգիան նախօրեին հաստատեց ԱՄՆ նախագահական ընտրությունների քվեարկության արդյունքները, համաձայն որոնց ՝ Բայդենը կդառնա պետության նոր ղեկավար: Ի պաշտպանություն դեմոկրատ Ջո Բայդենի քվեարկել է 306 ընտրիչ, իսկ հանրապետական գործող նախագահ Դոնալդ Թրամփի օգտին՝ 232: Միացյալ Նահանգների նախագահ դառնալու համար թեկնածուն պետք է 270 ձայն ստանա: