Ձեր վստահելի աղբյուրը

Հանգստյան օրերին Լեռնային Ղարաբաղում եղել են մարտեր, և ռուս խաղաղապահները ստիպված են եղել միջամտել իրավիճակին: Այնուամենայնիվ, վիճակը չի կայունացել. երկուշաբթի օրը հայկական կողմը հայտնել է, որ հակառակորդը շրջապատում է ևս երկու գյուղ, գրում է «rbc»-ն։

Նշվում է, որ դեկտեմբերի 11-12-ին հայկական և ադրբեջանական ուժերը կրակ են բացել միմյանց վրա, կան զոհեր և վիրավորներ: Առնվազն տասը հայ զինվոր, ըստ աղբյուրի, գերեվարվել է։

Մարտերը մղվել են Հադրութի շրջանի Խծաբերդ և Հին Թաղ  եր գյուղերի համար: Մինչև այս տարվա նոյեմբեր ամիսը Հադրութը չճանաչված Լեռնային Ղարաբաղի Հանրապետության մաս էր:

«...Դեկտեմբերի 14-ի դրությամբ, ադրբեջանական զինուժը շարունակում է գտնվել Հին Թաղեր գյուղում: Այս մասին RBC- ին հայտնել է ԼՂՀ անվտանգության ծառայության աղբյուրը: Նա ասել է, որ Խծաբերդը վերահսկվում է հայերի կողմից: Նրա խոսքով՝ մինչ դեկտեմբերի 12-ը տարածքում իրավիճակը հանգիստ էր»,- նշում է աղբյուրը։

Ըստ աղբյուրի, միջադեպի հետևանքով հայկական կողմը զոհեր չունի: Ադրբեջանական զինուժը հաղորդում է չորս զոհվածների և մի քանի վիրավորների մասին:
  
«Երկուշաբթի օրը իրավիճակը շարունակել է մնալ լարված: Խծաբերդին և Հին Թաղերին ավելացել են ևս երկու գյուղեր, որոնց վերահսկողության հարցը վիճարկում է ադրբեջանական կողմը: Դրանք Հին շենն ու Մեծ շենն են, որոնք գտնվում են Շուշիի շրջանում: Գյուղերն ամբողջովին շրջապատված են: Այս գյուղերում, ի տարբերություն Խծաբերդի և Հին Թաղերի, շարունակում են մնալ խաղաղ բնակիչներ: Նույնիսկ երեխաները  շարունակում են դպրոց հաճախել»,- նշում է rbc-ն:

Բաքվում տեղի ունեցած նոր միջադեպը դեռ չի մեկնաբանվել:

«Երեկոյան գյուղեր են ժամանել ռուս խաղաղապահները և այնտեղ ստեղծել են նոր դիտակետեր»,- տեղեկացնում է աղբյուրը։