Ձեր վստահելի աղբյուրը

20․00 
««Արժանապատվության երթն» ավարտվեց։ ՀՅԴ-ական Իշխան Սաղաթելյանը տեղեկացրեց, որ վաղը ժամը 17․00 -ին կրկին կմերկնարկի երթ և այս անգամ կոչ արեց հավաքվել Թումոյի հարակից այգում։

«Ուրբաթ երեկո կրկին միջոցառում ունենք, շաբաթ օրը կլինի հանրահավաքը։ Իսկ երեքշաբթի օրը ամբողջ Հայաստանով գործադուլ, դասադուլ և բողոքի զանգվածային ակցիաներ։

Ժամը՝ 12․00-ին հավաքվում ենք Հանրապետության հրապարակում և շրջափակում Կառավարության շենքը, այդ Կառավարությունը մեզ պետք չի»,- հայտարարեց նա։

19․ 50
«ԱԱԾ հարգելի սպաներ թող զարմանալի չթվա, բայց մեր այս պայքարը, արժանապատվության երթը, վերջնարդյունք Նիկոլ Փաշինյանի հեռացումը, նաև ձեր պաշտպանությանն է միտված։ Հայաստանի պետական որևէ կառույց այդպիսի թրքաբարո ասպատակության չի ենթարկվել , ինչպես ԱԱԾ-ն։ Այսպես կոչված թավշյա հեղափոխությունից հետո 5 տնօրեն է փոխվել այս կառույցի, հինգից երկուսը հրապարակավ հայտարարել են, որ Նիկոլ Փաշինյանը հոգեկան հիվանդ է։ Ժողովրդին կոչ են արել ազատվել այս գժից»,- ասաց Անդրանիկ Թևանյանն ու ավելացրեց․ «Հիշեցնեմ նաև ԱԱԾ նախկին տնօրենը հայտարարել էր, որ Նիկոլ Փաշինյանը ապօրինի հրահանգ էր տվել ՝ կալանավորելու Վազգեն Մանուկյանին, ինչին ինքը դեմ է եղել։ Իսկ ինչո՞ւ էր ուզում կալանավորել։ Վազգեն Մանուկյանն այն մարդկանցից է, ով պատերազմի օրերին տիրապետելով ամբողջ ինֆորմացիային, հայտարարում էր , որ պետք է ձերբազատվել Նիկոլ Փաշինյանից։ Իշխանությունը հանձնել զինվորականությանը, որպեսզի մենք այդ խայտառակ կապիտուլացիայի չենթարկվենք։ Ցավոք սրտի դա տեղի չունեցավ պատերազմի օրերին։ Եվ ուրեմն, այս ամենից հետո ԱԱԾ աշխատակիցները մեր թիվ մեկ դաշնակիցներն են, քանի որ ինֆորմացված են և գիտեն, որ գժին չի կարելի թողնել ղեկին»։

19․30
ԱԱԾ շենքի մոտ ՀՀ արդարադատության նախկին նախարար Արփինե Հովհաննիսյանը դիմեց ԱԱԾ աշխատակիցներին հորդորելով պաշտպանել ազգային շահը։

«Այսօր մեր ազգային շահը Նիկոլ Փաշինյանը դարձրել է ադրբեջանական շահ, մեր ազգային երազանքը դարձրել է ադրբեջանական երազանքի իրականացում և վերջապես ՀՀ ազգային օրակարգը դարձրել է անտերության հանրապետություն,որով դուք պաշտպանում եք միայն իրեն։

Այսօր ՀՀ-ում պետք է լիներ մի ազգային օրակարգ՝ հեռացնել նրան, որպեսզի չունենանք նոր գերիներ։ Ոչ մեկ չի զբաղվում մեր գերիների վերադարձմամբ, անհետ կորածների խնդրով, ոչ մեկ։ Այս մարդիկ չգիտեն ինչ անեն»,-հայտարարեց Արփինե Հովհաննիսյանն անդրադառնալով նաև սորոսականներին։

«Ես ուզում եմ դիմել դռոններով վերևից մեզ նկարող սորոսականներին։ Ձեր դեմքը Եռաբլուրում է։ Եռաբլուրը վերևից նկարեք, դաջեք դա ձեր հեռախոսներին, ուղեղներին , դա է ձեր պատկերը։ Դուք Եռաբլուրն եք պղծել, դուք ազգային շահի հետ կապ չունեք»։

Հովհաննիսյանը մեկ անգամ ևս դիմեց ԱԱԾ սպաներին խնդրելով և հորդորելով կանգնել ազգի կողքին․«Կանգնեք ազգային երազանքի վերականգնման կողքին, կանգնեք ազգային օրակարգի կողքին։ Իսկ Ազգային օրակարգը մեկն է՝ «առանց Նիկոլ Հայաստան»»,-ասաց նա։

19․12 
Երթի մասնակիցները Ոստիկանական շենքի դիմաց են , որտեղ ոստիկանության ուժեր են կենտրոնացված։

«Հարգելի ոստիկաններ, միացեք մեր երթին, սա արժանապատվության երթ է հանուն մեր արժանապատվության» ,-կոչ արեց մասնակիցներից մեկը։

ՀՅԴ ներկայացուցիչ Իշխան Սաղաթելյանն էլ «Հայրենիքի փրկության շարժման» անունից դիմեց ոստիկաններին․

«Մենք գտնվում ենք ոստիկանության առջև։ Երթով եկել ենք այստեղ՝ մեր կոչն ուղղելու ՀՀ ոստիկանությանը։

Հարգելի սպաներ, դուք կոչված եք պաշտպանելու հայ ժողովրդի իրավունքները։ Դուք այս պահից սկսած պետք է դադարեք դառնալ այս խելագարի ձեռքի գործիքը և կատարել իր որոշումները։ Ձեր մեջ կան բազմաթիվ արժանապատիվ մարդիկ, որոնք օրենքի շրջանակում են աշխատում։ Կան մարդիկ, ովքեր այս օրերին դուրս են եկել համակարգից ՝ պահելով սպայի պատիվը, չկատարելով ապօրինի հրահանգներ և որոշումներ։

Դուք պարտավոր եք գործել օրենքի շրջանակներում, չդառնալ այդ խեղկատակի ձեռքի գործիքը, հակառակ դեպքում դուք իր հետ կիսելու եք այդ դավաճանական գործողությունները, որն իրականացվել է մեր պետության և ժողովրդի գլխին»։

Սաղաթելյանը 1 անգամ ևս կոչ արեց ՝ գործել օրենքի շրջանակներում, ապահովել քաղաքացիների անհնազանդության բողոքի ակցիաները, չփորձել ճնշումներ գործադրել և կանգնել ժողովրդի կողքին։
«Չդառնաք գերագույն գլխավոր խրտվիլակի կամակատարը»,- հորդորեց նա։

18․54 
Երթի մասնակիցներն առանձնահատուկ ողջունցին սյունեցիներին, որոնք եկել և մասնակցում էին երթին։

«Սյունեցիներն այսօր շարունակում են Նժդեհի գործը, ողջունում ենք բոլոր սյունեցիներին։ ՀՀ քաղաքացու անձնագիրն է, սրանից ունենք բոլորս՝ անկախ մեր քաղաքական հայացքներից։ Տեր կանգնենք հայոց եռագույնին, հայոց զինանշանին, հայ քաղաքացու անձնագրին»,- երթի ընթացքում ասաց մասնակիցներից մեկը։

18․ 47
«Եթե Նիկոլին հեռացնեինք 6 ամիս առաջ պատերազմ չէր լինի։ Եթե Նիկոլին հեռացնեինք պատերազմի առաջին օրերին, պատերազմի ավարտը մեր ժողովրդի և պետության համար լինելու էր հաղթական։ Եթե Նիկոլին հեռացնեինք հեռացնեինք այն ստորացուցիչ պայմանագիրը կնքելու գիշերը, մենք այս անցնող 34 օրվա ընթացքում չէինք ունենա այն կորուստները, որ հիմա ունենք,- հայտարարեց ՀՅԴ ներկայացուցիչ Իշխան Սաղաթելյանը։

Նրա խոսքով ՝ մեր երկիրն անտեր է և չկա իշխանություն։

«Այս մարդն ի վիճակի չէ պաշտպանել մեր շահերը։ Մեր երկիրն անպաշտպան է»,- հավելեց նա։

18․35 
«Նիկոլ Փաշինյանին 2 տարի 8 ամիս ժամանակ էինք տվել , ինչ արե՞ց, 2 տարի վեց ամիս անց դրդեց պատերազմի, էտքան զոհեր տվեցինք, անմեղ երեխեք։ Եվ այդքանից հետո էլ էտքան տարածքներ տվեցինք։ Եթե 73 տոկոսը տվեցինք Ղարաբաղից, որից 35 տոկոսը ՝ նախկին Ղարաբաղից, էլ ինչի՞ն հավատանք։ Հավատանք , որ եղածն էլ տա՞նք»,- ասաց երթի մասնակից քաղաքացիներից մեկն ու ավելացրեց․

«Եթե այդ մարդը ոչինչ չի անում, անգամ այդ խայտառակ հրադադարից հետո, էլ ինչին հավատանք, եղածն էլ տանք, նոր ասենք վայ էս ինչ եղա՞վ։ Փորձը ցույց տվեց, որ նա չի կարողանում աշխատել։ Կամ իրոք դավաճան է, կամ այդքան ապիկար է, հիմար, որ անում է այս ամեն ինչը, ուրիշ ոչինչ»։

18․29
Երթի մասնակիցները Ֆրանսիայի հրապարակում են։

18․20
ՀՅԴ անդամ Լիլիթ Գալստյանը երթի ընթացքում իր խոսքն ուղղեց մտավորականներին, նկարիչներին, գրողներին, երաժիշտներին։

«Դուք ստեղծագործում եք այն քչնաղ հայրենիքի մասին, որին արժանի է մեզանից յուրաչքանյուրը։ Որքան ճիշտ կլիներ, որ ձեզանից յուրաքանչյուրն այստեղ առաջին շարքերում լիներ։ Դուք մեր խիղճն եք, մեր՝ պատասխանատվությունը, մեր ուղեկիցն եք պատմության բոլոր փակուղիներում։ Որքան ճիշտ կլիներ այսօր միասին լինեինք։ Սիրելի մտավորականներ, առաջնորդեք այս շարժումը»,-ասաց նա։

Այնուհետև երթի մասնակիցները միացրեցին հեռախոսի լապտերները՝ պահելով գլխավերևում։ Մասնակիցները շարժվում են Մաշտոցի պողոտայով վանկարկելով «առանց Նիկոլ Հայաստան»։

18:08
ԲՀԿ-ից Նաիրա Զոհրաբյանը նշեց. «Նիկոլ, դու 5000 օջախ ես մարել, 10 հազար ու ավելի հայ զինվոր, մեր ամենապայծառ տղաներին խեղել ես: Նիկոլ, դու գիտես ինչ ես արել… Հիմա որ ճաղակավանդակների հետևում թաքնված, վախեցած նստած ես, Ստեփանակերտում 50 օրից ավելի մայրերը, հայերեը, ռուս խաղաղապհների հետ ընկած իրենց որդիների դիակներն են գտնում:

Եվ ուրեմն՝ Նիկոլ դավաճան, Նիկոլ դավաճան: Անցնելու են կարճ տարիներ ու Նիկոլի հոմանիշը լինելու է դավաճան»:

«Հայրենիք» կուսակցությունից Խաչիկ Գալստյանն ասաց, որ խոսքը չի ուղղում այն մարդկանց, որոնք մասնակցում են արժանապատվության երթին, քանի որ այստեղ հավաքվածների համար ամեն ինչ պարզ է՝ «Նիկոլը դավաճան է, ծախսել է մեր հայրենիքը, նա պետք է հեռանա»:

Այնուհետև բոլոր վանկարկեցին՝ « դավաճան հեռացիր, դավաճան հեռացիր»:

Նա նշեց, որ խոսքը չի ուղղում այն մարդկանց, որոնք շարունակում են մնալ Նիկոլի աղանդի վկաները, քանի որ այդ մարդիկ զրկված են բանականությունից, մտածելու ունակությունից:

«Խոսքս ուղղում եմ  այն քաղաքացիներին, որոնք տանը, աշխատասենյակում նստած, էկրանին գամված նայում ու լսում են մեզ, ովքեր հուսահատված են, տագնապած են՝ վստահ եմ, չեք կորցրել ձեր մտածելու ունակությունը, այժմ սթափ դատում եք, վերլուծում եք, հասկանում եք, թե ինչ է կատարվում երկրում: Վստահ եմ, որ ճիշտ ընտրություն եք կատարելու ու միանալու եք Հայրենիքի փրկության շարժմանը»,- ասաց Խ. Գալստյանը:

17:57
Արժանապատվության երթի մասնկիցները կանգ առան Գլխավոր դատախազության առջև: «Մեկ Հայաստան» կուսակցության նախագահ, «Հայրենիքի փրկության շարժման» իրավական հանձնախմբի նախագահ Արթուր Ղազինյանը շարժման անունից դիմեց Գլխավոր դատախազ Արթուր Դավթյանին:

Այնուհետև դիմում-նամակը փոխանցեց Գլխավոր դատախազություն, որը պաշտոնական դիրքը չարաշահելու հետ կապված քրեական գործի նկատմամբ վերահսկողություն սահմանելու մասին է:

17:45
ՀՅԴ ԳՄ  ներկայացուցիչ, «Հայրենիքի փրկության շարժման» համակարգող Իշխան Սաղաթելյանը կոչ արեց բոլորին միանալ արժանապատվության երթին, այսինքն միանան հայրենիք փրկության պայքարին:

«Դուք չեք կարող անտարբեր լինել նրան, ինչ այսօր կատարվում է  մեր երկրում ու մեր երկրի սահմանների շուրջ: Համախմբենք մեր բոլորի ուժերը, քշենք այս դավաճան իշխանությանը, ձևավորենք նոր կառավարություն, որն իր վիճակի կլինի պաշտպանել մեր ժողովրդի շահերն ու իրավունքները»,- հայտարարեց Ի. Սաղաթելյանը:

«Միացիր», «Միացիր», «Նիկոլ հեռացիր», «Նիկոլ հեռացիր»՝ վանկարկում են երթի մասնակիցները:

17:40
«Պոլիտէկոնոմիա» հետազոտական ինստիտուտի տնօրեն Անդրանիկ Թևանյանն ասաց, որ արժանապատվության երթը շարունավում է  և տևելու է  այնքան, մինչև վարչապետի կաբինետից չվռնդեն Նիկոլ Փաշինյանին ու չձևավորեն նոր ազգային կառավարություն:

«Նիկոլ Փաշինյանը, որ այս օրերին անտերության է մատնել Հայաստանի սահմանները, իրեն շրջապատել է ոստիկաններով, որոնք թվով 3000-ն են,  մինչդեռ սահմանները դատարկ են , պահող ուժեր չկան: Սա խայտառակություն է, որը ևս մեկ անգամ ապացուցում է, որ Փաշինյանը բացառապես ու միայն զբաղված է իր աթոռը պահելու խնդրով: Հետևաբար՝ Հայաստանն առանց Նիկոլ»,- ասաց Ա. Թևանյանը:

Արձագանքը եղավ՝ «Հայաստանն առանց Նիկոլ», «Հայաստանն առանց Նիկոլ»:

ԲՀԿ խմբակցության անդամ Նաիրա Զոհրաբյանն ասաց, որ այսօր հանդիպել է Շիրակի բնակիչների հետ, որոնք հաստատել են, որ վերջի օրերին ՄՈԲ-ի կազմից գերեվարված զինվորները հիմանակում Շիրակից են,  հայտնվել են շրջափակման մեջ ու գերեվարվել են:

Նա նշեց, որ երեք օր է Հայաստանի ՊՆ-ից ու Արցախի ՊԲ-ից չեն կարողանում ստանալ մեկ հարցի պատասխան:

«Նիկոլ դու ստախոս ես, դավաճան ես: Իսկ Արցախի նախագահն այսօր արդեն փորձում էր մեղքն իր վրայից թոթափել՝ ասելով, որ ինքը շատ բան տեսել է, բայց շատ բան չէր կարող որոշել: Տեսել էր, թող կանգներ ու խոսեր պետական  դավաճանության մասին, ոչ թե կատարեր բունկերում հայտնվելու որևէ իրավունք չունեցող անձի հրահանգները:

Մենք գործ ունենք դավաճան իշխանության հետ»,-ասաց Ն. Զոհրաբյանը:

Նա շեշտեց՝ արհավիրքը կանգնեցնելու, Հայաստանը փրկելու համար դավաճան Նիկոլը պետք է հեռանա:

17:30
Արժանապատվության երթի ընթաքում հնչում է «Նիկոլ դավաճան», «Նիկոլ դավաճան», «Առանց Նիկոլ Հայաստան», «Առանց Նիկոլ Հայաստան» կարգախոսները:

ՀՀԿ խոսնակ Էդուարդ Շարմազանովն ասաց, որ Նիկոլ Փաշինյանը 2,5 տարի քանդել է պետության հիմքերը:

«Ես սա չեմ ասում նրա համար, որ որևէ մեկի մտքով անցի, որ ուզում եմ վերադառնալ իշխանության: Ես ինքս իշխանության վերադառնալու ցանկություն չունեմ, իմ նպատակն է այս հողատուին հեռացնել իշխանությունից, որպեսզի փրկեմ Հայաստանը:

Իմ հայրենիքի, ժողովորդի նկատմամբ դավաճանություն է տեղի ունեցել, կապիտուլյացիայի  ակտ, որի միակ պատասխանատուն և մեղավորը հողատու Նիկոլն է, ուստի նաև պետք է լինեն իրավական գործողությունների, որի արդյունքում պարզվի՝ ով մեղավոր է, պետք է պատասխանա տա:  Իմ սուբյեկտիվ կարծիքով, Նիկոլ Փաշինյանի գործողությունների մեջ կան հանցավոր և անգործության, և հանցավոր դավադրության գործոններ Հայաստանի, Արցախի ու հայ ժողովրդի նկատմամբ»,- ասաց Էդուարդ Շարմազանովը:

17.17

Նիկոլ Փաշինյանի հրաժարականի պահանջով արժանապատվության երթն այսօր մեկնարկում է Երևանի կրկեսի հրապարակից:

«Միանշանակ է, որ պատասխանատվության ողջ ալիքն ուղղված է  Նիկոլ Փաշինյանի կողմը: Պարտությունն ունի մեկ տեր և պատասխանատու: Հիմնական պատասխանատուն Նիկոլ Փաշինյանն է ու իր վարչակարգը: Եզրակացոթյուններս գնալով թանձրանում են, որ այս դավադրության հիմնական դիրժորը Նիկոլ Փաշինյանն էր և մարդիկ, որոնք կուրորեն հավատացել են նրան»,- լրագրողների հետ զրույցում ասաց ՀՅԴ ԳՄ անդամ Լիլիթ Գալստյանը:

Ըստ նրա, որքան էլ Նիկոլ Փաշինյանը փորձի կառչել իր աթոռին, ինքը կապ չունի մեր ապագայի հետ, քանի որ կործանել է մեր ներկան:

«Նա կապ չունի մեր սգի հետ: Դեկտեմբերի 19-ին Փաշինյանի քաղաքական դիակ լինելու քառասունքի օրն է, շատ լավ կլիներ եթե հենց 19-ին էլ ավարտեր իր քաղաքական գոյությունը»,- նշեց Լ. Գալստյանը: