Ձեր վստահելի աղբյուրը

«Վետո» նախաձեռնության ղեկավար Նարեկ Մալյանը ֆեյսբուքյան ուղիղ կապով մանրամասներ է ներկայացրել դեկտեմբերի 12-ի երեկոյան և գիշերվա իրադարձություններից:

Նրա խոսքով, այդ օրը ժամը 5-ին Արայիկ Հարությույանը զանգահարել է Նիկոլ Փաշինյանին և ասել, որ Ադրբեջանն, անտեսելով ձեռք բերված պայմանավորվածությունները, երեք գյուղերի ուղղությամբ առաջ է գալիս, իսկ Փաշինյանն ասել է, որ ինքը կապ չունի Արցախի և Հադրութի հետ՝ խորհուրդ տալով դիմել խաղաղապահներին:

Բայց քիչ հետո, ըստ Մալյանի, Փաշինյանը զանգել է Արայիկ Հարությունյանին և խորհուրդ տվել ցույց կազմակերպել ՌԴ խաղաղապահների տեղակայման գրասենյակի մոտ:

«Վետո»-ի ղեկավարի հավստիացմամբ, այդ խոսակցության ժամանակ նա հայհոյել է ՌԴ ղեկավարությանը, որը գաղտնալսվել է ու հայտնվել ՌԴ խաղաղապահների մոտ:

Մալյանի խոսքով, Արայիկ Հարությունյանը չի գնացել այդ քայլին, և այն կազմակերպել է ԱՄՆ-ում բնակվող Արսեն Խառատյանը՝ Արցախի սորոսական ներկայացուցիչների միջոցով:

Ըստ Մալյանի, երեկոյան ՌԴ-ից զանգահարել են Նիկոլ Փաշինյանին և կոշտ պարզաբանում  պահանջել, որին ի պատասխան Փաշինյանը սպառնացել է Հայաստանից 102-րդ ռազմաբազայի դուսրբերմամբ: Փաշինյանը նաև հայտնել է, որ հրավիրելու է ՔՊ նիստ և ուղիղ եթերով հայտարարելու է, որ Հայաստանը դուրս է գալիս ՌԴ-ի հետ դաշնակցային հարաբերություններից և ԵԱՏՄ կազմից, ինչի համար էլ Հանրային հեռուստատեսության շարժակազմը հրավիրվել է կառավարության շենք:

Նարեկ Մալյանի ներկայացմամբ, Նիկոլ Փաշինյանը ծայրահեղ նյարդային վիճակում հրամայել է ոստիկանության համակարգը բերել է թիվ 1 վիճակի և իր մոտ է հրավիրել ԱԱԾ պետին և Ոստիկանության պետին, որոնց հետ խոսակցությունը գնացել է փոխադարձ հայհոյանքներով: Նիկոլ Փաշինյանը վերջիններիս հանձնարարել է դուրս գալ ժողովրդի դեմ, եթե իր հայտարարությունից հետո ընդվզում սկսվի:

«ԱԱԾ պետը չի համաձայնել և հեռացել է հանդիպման վայրից, որից հետո Փաշինյանը ոստիկանապետին փորձել է համոզել, որ նա աշխատի ոչ միայն ժողովրդի, այլև ԱԱԾ-ի դեմ, ինչը նույնպես մերժվել է»,- նշեց Մալյանը։ 

Նա ֆեյսբուքյան ուղիղ կապի ժամանակ հայտնեց նաև, որ շաբաթ օրվանից Հայաստանը չունի ոստիկանապետ:

Նրա խոսքով, դեկտեմբերի 12-ին ոստիկանապետ Վահե Ղազարյանը Նիկոլ Փաշինյանի հետ հայհոյախառն խոսակցությունից հետո հրավիրել է ոստիկանության կոլեգիայի նիստ և հայտնել, որ հրաժարական է ներկայացրել, բայց կշարունակի պաշտոնավարել մինչև նոր նշանակումը ու խնդրել է չհրապարակել այդ տեղեկությունը:

«Խնդիրն այն է եղել, որ ոստիկանապետը չէր համաձայնել ժողովրդի և ԱԱԾ-ի դեմ դուրս գալու Փաշինյանի առաջարկի հետ: Նիկոլ Փաշինյանը նման մտավախություն ուներ, քանի որ նախատեսել էր ուղիղ եթերում հայտարարել ՌԴ-ի հետ կապերը խզելու մասին»,- հայտնեց Նարեկ Մալյանը և դիմելով անհայտ կորածների հարազատներին՝ ասաց, որ ՌԴ-ն արդեն չի զբաղվելու իրենց կորած զինվորներով և պետք է որոշեն հետագա անելիքները:

Նրա խոսքով, կիրակի օրը Նիկոլ Փաշինյանը որոշել է, որ իր աթոռը պահելու համար կարող է ապավինել Էրդողանին և Ալիևին: Այդ նպատակով Փաշինյանը ԱՄՆ-ում բնակվող Արսեն Խառատյանին առաջարկել է, որպեսզի նա արևմտյան որոշ ուժերի հետ օգնի, որպեսզի ինքը  Էրդողանի հետ Ռուսաստանին դուրս մղեն տարածաշրջանից:

Նարեկ Մալյանը այդ ամենի համատեքստում դիտարկեց դեպքերի հաջորդ օրը հրավիրված  Անվտանգության խորհդի նիստը, որի հիմնական ասելիքն այն էր, որ պետք է կարգավորել հարաբերությունները Թուրքիայի և Ադրբեջանի հետ:

«Նիկոլ Փաշինյանն, իր աթոռը պահպանելու երաշխիքը մուրում է Ալիևից և Էրդողանից»,- հայտարարեց Նարեկ Մալյանը՝ տեղեկացնելով, որ դրա մասին տեղյակ չեն նաև «Քաղաքացիական պայմանագիր» կուսակցության անդամները:

Նա նաև հավելեց, որ Նիկոլ Փաշինյանին մնացել է հաշված օրեր, տեխնիկապես հեռացման վերջին փուլում է: