Ձեր վստահելի աղբյուրը

«Որքան ես եմ տեղյակ, չի հրապարակվում տվյալներ, թե Հայաստանի բանկային համակարգի խաղացողներն ինչքան ակտիվներ ունեն Լեռնային Ղարաբաղի տարածքում»,- «Դրամի արժեզրկումը և տնտեսական դաշտի խնդիրները» թեմայով քննարկմանն ասաց տնտեսագետ Հայկազ Ֆանյանը:

Միևնույն ժամանակ նա նշեց, որ կարճ ժամանակ է անցել, հնարավորություն չկա հստակ գնահատական տալ կորուստների ծավալների մասով:

«Առհասարակ պետք է նշել, որ այստեղ ոչ միայն ներդրումների և  բանկային համակարգի, կորցված ակտիվների մասին է խոսքը գնում, նաև պարենային անվտանգության տեսանկյունից է լուրջ ռիսկեր առաջացել»,- ասաց տնտեսագետը:

Հ. Ֆանյանի խոսքով, Արաքսի հովիտը բավակային բարեբեր տարածաշրջան էր գյուղատնտեսական գործունեության համար, շատ ներդրողներ ներդրումներ էին կատարել, պարենային անվտանգության մասով որոշակիորեն ապահում էր Հայաստանը:

«Մյուս կողմից այնտեղ ունեինք խոշոր արդյունաբերական ձեռնարկություններ: Որոշ դեպքերում Արցախի ծագման ապրանքները Հայաստանից արտահանվում էր հենց հայկականի անվան տակ:

Երբ խոսքը գնում է  2,5-2,6 միլիարդ դրամ ապրանքային արտահանաման մասին, պետք է պատկերացնեինք, որ դրա մի մասը հենց ԼՂ-ից է իրականացվել: Խոսքը, մասնավորապես, Դրմբոնի մետաղական հանքի մասին է»,- ասաց նա:

Քննարկմանը ներկա տնտեսագետ Վահագն Խաչատրյանը նշեց, որ Հայաստանի ֆինանսական հնարավորությունները սուղ են, 2021-ին նվազագույնը 50 միլիարդ, մինչև 100 միլիարդ պետք է ուղղվի պատերազմի հետևանքենրի վերացմանը: Նրա խոսքով, Արցախի պաշտոնյաներն ասում են, որ նախնական գնահատականներով 1,5 միլիարդ դոլարի կորուստ ունեն՝ անշարժ գույք, շարժական, տնտեսություն:

«Առաջին խնդիրը, որ պետք է լուծեր իշխանությունը, արձանագրել, փաստագրել ինչ կորուստներ ունենք»,- նշեց տնտեսագետը: