Ձեր վստահելի աղբյուրը

«Պահեստազորի բոլոր սպաներին, շարքայիններին  կոչ եմ արել համազգեստով լինել Եռաբլուրում՝ պաշտպանելու ու աջակից լինելու մեր սգավոր քույրերին, մայրերին, որոնք որոշել են որևէ կերպ այդ դավաճանի ոտքը մեր սրբատեղի թույլ չտալ»,- Եռաբլուրում լրագրողներին ասաց նախկին փոխոստիկանապետ գեներալ-մայոր Գագիկ Համբարձումյանը։

Հիշեցնենք, որ Հայաստանում եռօրյա սուգ է հայտարարված, այսօր ժամը 13։00-ին Հանրապետության հրապարակից սգո երթ է կազմակերպվում դեպի Եռաբլուր Նիկոլ Փաշինյանի մասնակցությամբ։ Ազատամարտիկները Եռաբլուրում են, նրանք հավաքվել են՝ թույլ չտալու համար Նիկոլ Փաշինյանի մուտքը Եռաբլուր։

Գ. Համբարձումյանն ասաց, որ թույլ չեն տալու, որ նա մտնի Եռաբլուր. «Եթե համարձակությունները կհերիքի, թող փորձեն ուժ գործադրել կամ բռնություն, կստանան համարժեք պատասխան»։

Հարցին՝ Փաշինյանն ասում է, որ ինքը համար մեկ պատասախատուն է, ոչ համար մեղավորը, նախկին փոխոստիկանապետն ասաց. «Դրա համար իրավաբան պետք չի լինել գնահատական տալու համար, իրեն բնորոշ բացառիկ ցինիզմով կռուտիտի լինելն է։

Նա պետք է պատասխան տան, նախ պետք է վռնվի այդտեղից։

Նա հեռացվելու է  պաշտոնից, դրանից հետո ինչպես օրինական, իրավական բոլոր պետություններում, Քրեական դատավարության, Քրեական օրենսգրքով նախատեսված ընթացակարգեր կան՝ քրեական գործերի հարուցում, քննություն, հենց սկզբից ձերբակալում, կալանք, հետո դատարան, պատիժ։ Դա լավագույնն է իր համար՝ ենթարկվել օրենքի իրավունքի դատաստանին, քան ժողովրդի դասաստանին»,- ասաց Գ. Համբարձումյանը։

Նրա գնահատմամբ, այսօր իրավապահ համակարգի պահվածքը խղճալի է՝ չգիտակցելով պահի լրջությունը, ապագային սպառնացող վտանգները։

«Կոչ եմ արել չկատարել հանցավոր հրամաններն ու ձերբակալել հանցագործին, որն իրենց սուրբ պարտականությունն է»,- նշեց Հ. Համբարձումյանը։