Ձեր վստահելի աղբյուրը

Ինձ միշտ հարցնում են՝ ո՞վ է մեր թշնամին, և պատասխանը հետևյալն է՝ շատ մարդիկ կան, որ ցանկանում են խափանել մեր կենսակերպը, մեր հանրապետությունը, մեր հիմնական ժողովրդավարական սկզբունքները: Ռուսաստանն, անկասկած, այդ ցանկում է: Այս մասին Մարկ Լևինի հետ հարցազրույցի ժամանակ ասել է ԱՄՆ պետքարտուղար Մայք Պոմպեոն, փոխանցում է «ՏԱՍՍ»-ը։

«Դուք նորություններ եք տեսնում կիբեռտարածքում նրանց ջանքերի մասին: Մենք դա շատ երկար ժամանակ ենք տեսել, օգտագործելով անհամաչափ հնարավորություններ՝  փորձելու մեզ այնպիսի վիճակում դնել, երբ նրանք կկարողանան ԱՄՆ-ին ծախսեր պարտադրել:

Այնպես որ՝ այո, Վլադիմիր Պուտինը շարունակում է իրական վտանգ մնալ մեզանից նրանց համար, ովքեր սիրում են ազատությունը, և մենք պետք է վստահ լինենք, որ պատրաստվում ենք դրանցից յուրաքանչյուրին: Ես այսօր Չինաստանը գնահատում եմ որպես մարտահրավեր, որն իսկապես ներկայացնում է էկզիստենցիալ սպառնալիք, բայց ես նվազագույնի չեմ հասցնում այն բանի վտանգը, որ հարյուրավոր միջուկային մարտագլխիկների առկայությունը, որոնք կարող են հասնել մինչեւ ԱՄՆ, մեզ համար ահռելի ռիսկ է ստեղծում»,- ասել է Մայք Պոմպեոն: