Ձեր վստահելի աղբյուրը

«Վաղը որ պատերազմ եղավ, խփեն Տաթև ՀԷԿ-ին, որը նշանառության տակ է, ո՞վ է պատասխան տալու, շուն շան որդի: 12 կիլոմետր է մեզանից հեռու թշնամին, ոչ մեկ ազատ չի կարողանալու շարժվել»,- լրագրողներին ասաց սյունեցի Նորայր Ասրյանը, որն այն քաղաքացիների շարքում է, որոնք դեմ են Նիկոլ Փաշինյանի՝ Սյունիքի մարզ այցին:

Նա նշեց, որ իրենց գծած քարտեզի պատճառով ամբողջ Զանգեզուրի շրջանում մի քառակուսի մետր ապահով տարածք չկա:

«Թուրքին բերեցին, մտցրեցին ուղիղ Կապան: Եթե մինչև քո վարչապետ, նախարար լինելը թուրքը 85 կմ էր հեռու իմ տնից, հիմա՝ 8 կիլոմետր: Ի՞նչն է անվտանգ:

Խոսակցություն է գնում, չգիտեմ ինչքանով է ճիշտ, 5 միլիարդով ծախել է Արցախը, ասում են՝ 3 միլիարդ էլ Սյունքի համար են տվել: Կարող է կասկածեինք, բամբասանք է, բայց մարդ տեսնում է՝ բամբասանք չկա: Դիրքեր են տալիս, ռազմական գործից հասկացող ցանկացած մեկը քարտեզով կարող է ապացուցել, որ թուրք Նիկոլն ու ռեստորան Վաղոն ամեն ինչ անում են, որ հաջորդ պատերազմին Սյունիքը չի կարողանալու դիմադրել թուրքին: Գլուխը պատով է տալիս որևէ մեկն, ով ասում է, որ այս երկիրն անվտանգ վիճակում է: Խայտառակ վիճակում ենք»,- ասաց Ն. Ասրյանը: