Ձեր վստահելի աղբյուրը

«Եթե Փաշինյանը նվազագույն շանս ունենար անգամ բռնություն գործադրելով ճեղքել ու մտնել Գորիս, Կապան ճանապարաները, իմացեք` նա կմտներ»,-Քննչական կոմիտեի դիմաց լրագրողների հետ զրույցում ասաց ԱԺ ԲՀԿ խամբակցության անդամ Նաիրա Զոհրաբյանը: Նա, ինչպես նաև այլ քաղաքական գործիչներ, փաստաբաններ ՔԿ դիմաց են՝ իրենց աջակցությունը հայտնելու Գորիսի քաղաքապետ Առուշ Առուշանյանին, ով ձերբակալվել է և այժմ գտնվում է Քննչական կոմիտեում:

Խոսելով Փաշինյանի՝ Սիսիան այցի մասին, Ն. Զոհրաբյանն ասաց, որ Սիսիանում շոուն կազմակերպել էր  «Իմ քայլը» խմբակցության անդամ Կարեն Համբարձումյանն իր մերձավորների, ընկերների ու ընտանիքի անդամների հետ: 

«Կարեն Համբարձումյան, հիշիր, շատ շուտով կանգնելու ես ոչ միայն սյունեցիների բարոյական դատաստանի առջև, այլև կանգնելու ես օրենքի առջև: Փորձում ես խանգարել հպարտ, արժանապատիվ սյունեցիներին  իրենց հայրենիքը, ամենակարևոր դիրքերը թուրքին չհանձնելուն: 

Կարեն Համբարձումյան, դա պետական դավաճանություն է, ամեն ինչ անելու եմ դու և փոքրաթիվ  համակիրները, որոնց ուղղորդել ես  որպեսզի գնան և հաշվերահարդար տեսնեն այն արժանապատիվ հոգևորականի հետ, ով ձեռք չմեկնեց Փաշինյանին, թե բարոյական, թե օրենքի առաջ պատասխանատվության ենթարկվես»,- ասաց պատգամավորը: