Ձեր վստահելի աղբյուրը

Սիսիանի Սուրբ Գրիգոր Լուսավորիչ եկեղեցու քահանա Տեր Պարգև Զեյնալյանը Yerkir.am-ին պատմել է Սիսիանի եկեղեցում այսօր իր եւ Փաշինյանի միջեւ տեղի ունեցած դեպքի մասին։

Հարց- Տե՛ր Պարգև, ինչպե՞ս կմեկնաբանեք եկեղեցում տեղի ունեցածը, զինված խմբով եկեղեցի մտնելու իրողությունը։

Տեր Պարգև -Իր խնդիրն է, թե ուր կմտնի։ Ես պարզապես խորհուրդ եմ տվել՝ սպասել Աստծո դատաստանին, ուրիշ ոչինչ։

Հարց-Վարչապետի ձեռքը օդում թողեցիք, ինչո՞ւ:

Տեր Պարգև -Անձնական մոտեցում է։

Հարց-Դուք Փաշինյանին դո՞ւրս հրավիրեցիք եկեղեցուց։

Տեր Պարգև -Ես Նիկոլ Փաշինյանին դուրս չեմ հրավիրել, նա դուրս էր գալիս։

Հարց-Կադրերից երևում է՝ չեք բարևում վարչապետին։

Տեր Պարգև -Այո:

Հարց-Անձնական վերաբերմունքը պայմանավորված է Սյունիքի մարզում ստեղծված իրավիճակո՞վ։

Տեր Պարգև -Ոչ, իմ անձնական վերաբերմունքը վաղուց է ձևավորված։

Հարց-Իսկ ի՞նչ տրամադրություն է սիսիանցիների մոտ։

Տեր Պարգև -Տարբեր, ամենազանազան։

Հարց-Սահմանային փոփոխություններով պայմանավորված՝ ի՞նչ հոգեվիճակ է։

Տեր Պարգև -Քաղաքապետարանը, սահմանային փոփոխություններով պայմանավորված, իր տեսակետն արդեն հայտնել է։

Հարց-Ձեր մեկնաբանությունը կուզեի լսել Սյունիքի այսօրվա դեպքերի հետ կապված:

Տեր Պարգև -Խնդրում եմ, հիմա անհարմար է երկար խոսել, եթե կարելի է հետո խոսենք։

«Հ․Գ․ Մեր աղբյուրներից քիչ առաջ տեղեկացանք, որ այս պահին ոստիկանությունը խուզարկություն է իրականացնում Տեր Պարգևի տանը»,- գրում է Yerkir.am-ը: