Ձեր վստահելի աղբյուրը

«10 ավտոբուս ոստիկաններ է ուղարկել Սյունիք, դուխով տղա է, թող մենակ գա: Դուխովը սրա՞նք են, որ 10 ավտոբուս ուղարկում ա Սյունի՞ք: Դուխով տղա չկա ընտեղ: Դուխովը սյունեցիք են: Գլխարկի վրա գրում ա՝ դուխով, ես էլ ուրիշ տեղ եմ գրում դուխով»,-  ասում է Նիկոլ Փաշինյանի մուտքը դեպի Սյունիք արգելող սյունեցիներից մեկը:

Գորիսի փոխքաղաքապետ Մենուա Հովսեփյանն էլ նշեց, որ իրենք չեն վախենում Փաշինյանից:

«Ինչ պետք է անեն: Պետք է վախկոտը մաքսիմում ձերբակալի, թող ձերբակալի: Թուրքն այստեղ է: Ես թուրքից վախենա՞մ, թե՞ իրենից: Ոչ թուրքից եմ վախենում, ոչ էլ իրենից: Ինքը եթե այդքան ուժեղ է, թող պատասխանի դրսի հայհոյանքներին, ոչ թե գա մեզ ձերբակալի, ոստիկանական ուժեր ուղարկի, քաղաքապետ է ձերբակալում»,- նշեց փոխքաղաքապետը:

Նրա խոսքով, ամբողջ աշխարհը, Թուրքիայի նախագահն, ինչ ասես, ասում են նրան:

«Հաստատ Սյունիքը չունի նման վարչապետ: Հավաքվել ենք իրեն ասելու, որ մենք իրեն ասելիք չունենք, հեռացիր Սյունիքից, թող մենք հանգիստ մեր կյանքով ապրենք, հասկանանք, թե ինչ ենք անելու, ոնց ենք պայքարելու: Թուրքին բերել ու հասցրել է մեր տուն»,- նշեց Մ. Հովսեփյանը:

Սյունեցիներն ասում են, որ անվտանգությունը զրոյականից ցածր վիճակում է գտնվում, չեն կարող ասել, թե ինչ կլինի:

«Երբ որ այդ սրբապիղծը ոտք դնի մեր տարածաշրջան, ցանկանա կոնտակի մեջ մեջ ինչ-որ մեկի հետ մտնել, մենք հնարավորություն չենք տալիս, որ խոսի, միաբերան ասում ենք՝ Նիկոլ, դավաճան, Նիկոլ դավաճան»,- նշեց ակցիայի մասնակիցներից մեկը: 

Նրանք ընդգծում են, որ Հայաստանը վաճառքի առարկա դարձնող անձնավորությունը իրավունք չունի մտնի Սյունյանց տարածաշրջան:  

«Մենք սահմանները գծել ենք 1988 թվականին արյան գնով, զոհված տղաների գնով, մի գրչի հատվածով այդ հողը նվիրաբերեց թշնամիներին: Նույնիկս  այսպիսի բան եմ մտածել, որ վաղը կարող է կանգնի ու ասի՝ ես չեմ մեղավորը, դավաճանը  Հրայր Թովմասյանն է, որովհետև իր նվիրած գրիչով եմ ստորագրել այդ փաստաթուղթը: Ամեն տեղ մեղավորներ է փնտրելու»,- նշեց սյունեցին:

Այնուհետև հավաքվածներ սկսեցին գոռալ՝ «ազատություն Առուշին»:

Հիշեցնենք, որ վաղ առավոտյան բերման է եթարկվել Գորիսի քաղաքապետ Առուշ Առուշանյանը:

«Երևանից են ուղարկել, որ  ձերբակալեն մաքուր տղային»,- նշեց ակցիայի մասնակիցներից մեկը: