Ձեր վստահելի աղբյուրը

Այս ընթացքում շատ է քննարկվել, թե արդյոք այս իշխանությունները դավաճանական էին: Այսպիսի խյտառակ պարտության համար ստացե՞լ են գումար, թե ոչ»,- Երևանի ավագանու այսօրվա նիստում հայտարարեց «Լույս» խմբակցության ղեկավար Դավիթ Խաժակյանը՝ դիմելով քաղաքապետին:

Վերջինս, նկատելով, որ այն ապագայում կպարզվի, հայտնեց, որ նրանք, ովքեր դեռևս այդ մասին  կարծիք չեն հայտնել, դավաճանել են հայ ժողովրդի իղձերը, ժողովրդի տված քվեն: 

Դավիթ Խաժակյանը հայտնեց, որ եթե ավագանու մեծամասնությունն ներկայացնող անդամները գնահատական չեն տալիս, ուրեմն կիսում են այդ ամենի պատասխանատվությունը:

«Երևանի ավագանին իրեն պահում է այնպես, կարծես որևէ առնչություն չունի այս իարավիճակի հետ և որևէ տեսակետ չի ուզում արտահայտել այս մասով»,- հայտարարեց «Լույս» խմբակցության ղեկավարը և հավելեց, որ գնահատական տալու ժամանակն անցել է և «Իմ քայլի» իշխանությունը պետք է հեռանա:

Խաժակյանը նաև քննադատեց քաղաքապետ Հայկ Մարությանին՝ քաղաքապետարանի աշխատակիցներին 13-րդ աշխատավարձ չտալու համար:

Մարությանը պատասխանեց, որ Երևանցիները շատ լավ գիտեն, որ Երևան համայնքին այս երկու տարիների ընթացքում ամենամեծ վնասը պատճառել է ընդդիմությունը, իսկ ինքը քաղաքապետարանի աշխտանքը գնահատում է շատ բարձր:

«Ես էլ եմ քաղաքապետարանի աշխտանքը բարձր գնահատում, բայց ձերը գնահատում եմ շատ վատ»,-տեղից պատասխանեց Խաժակյանը:

«Պարոն Խաժակյան, դուք շուկայում չեք գտնվում, ձեզ պահեք հարիր: Հանգստացեք, եթե ուզում եք՝ փոքրիկ տաբլետկաներ խմեք, կհանգստանաք»,-արձագանքեց քաղաքապետը և առաջարկեց անջատել ընդդիմադիր գործիչների խոսափողները: