Քաղաքագետ. Սիսիանի եկեղեցում տեղի ունեցածը համարենք ընդամենը սկիզբը
Քաղաքագետ Ստեփան Դանիելյանը, անդրադառնալով երեկ Սիսիանի եկեղեցում քահանայի կողմից Փաշինյանին չողջունելուն, գրում է.
«Սիսիանի եկեղեցում տեղի ունեցածը միջազգային մամուլում մեծ արձագանք է գտել։ Սա շատ նշանային երևույթ է. պետության ղեկավարին, ըստ էության, եկեղեցուց դուրս են վռնդել։ Սա իրոք արտառոց դեպք է ու միջազգային մամուլի համար կարևոր «քեյս» - դեպք։
Ցանկացած եկեղեցի, անգամ ամենաքիչ հետևորդ ունեցողն, իր արարողությունների ժամանակ հիշատակում ու օրհնում է պետության ղեկավարին։ Այդ պարտադիր ավանդույթը սկսվել է դեռևս 4-րդ դարից, Բյուզանդիայում, ու պարտադիր է անգամ ժողովրդավարական աշխարհիկ երկրների համար։
Հիմա ըստ էության։
Որոշ իրենցքայլականներ աղմուկ են բարձրացրել, ասելով, որ եկեղեցին նման պահվածքով մուտք է գործել քաղաքականություն, ինչի իրավունքը չունի։
Դա այդպես չէ, նման իրավունք եկեղեցին ունի։
Եկեղեցին և պետությունը տարանջատված են, սակայն եկեղեցին, քաղաքականությունն ու քաղաքացիական հարցերը միմյանցից տարանջատված չեն։ Ցանկացած եկեղեցու հիմքն Ավետարանն է և եկեղեցին չի կարող դեմ գնալ Ավետարանական սկզբունքներին և իր բարոյաէթիկական նորմերին։
Ռուս ուղղափառ եկեղեցու պաշտոնական սոցիալական հայեցակարգից մի մեջբերում բերեմ. «Երբ եկեղեցին ի վիճակի չէ ենթարկվել պետական օրենքներին և իշխանության հրահանգներին, եկեղեցու հոգևորականները կարող են դիմել հետևյալ գործողություններին. առաջացած խնդրի կապակցությամբ իշխանության հետ մտնել երկխոսության մեջ, դիմել ժողովրդին ժողովրդավարական կանոններին համապատասխան փոխելու օրենսդրությունը, կամ իշխանության խնդրո առարկա որոշումը, դիմել միջազգային հանրությանը, կամ դիմել իր հետևորդներին խաղաղ անհնազանդության կոչով»:
Ես հատուկ եմ Ռուս Ուղղափառ եկեղեցու օրինակը բերել, որն ավանդաբար իշխանությանն ամենահնազանդ եկեղեցիներից է միշտ եղել։ Եթե բերեի կաթոլիկ եկեղեցու, կան բողոքականների սոցիալական հայեցակարգերից օրինակներ, ապա կգտնեինք անգամ իշխանության ներկայացուցչին կյանքից զրկելու իրավունքի օրինակներ, բնականաբար, խիստ հիմնավորված դեպքերում։
Սիսիանի հոգևորականն ընդամենը խաղաղ անհնազանդության դրսևորում է իրեն թույլ տվել, ինչի իրավունքը եկեղեցին ունի։
Ցավոք, նախկինում նույնպես նման դրսևորման համար առիթներ են եղել, ինչը եկեղեցին չի արել։ Սա համարենք ընդամենը սկիզբը»։
Հարակից հրապարակումներ`
- Զարեհ քահանա. Սբ. Հուսիկ Ա Պարթև կաթողիկոսը թույլ չտվեց Տիրան Բ ուրացող դիվահար թագավորին մուտք գործել եկեղեցի
- Հիշեցում. Արգելվում է զենքով եկեղեցի մտնել
- Եթե Սիսիանի եկեղեցու քահանային որևէ բան պատահի, միակ պատասխանատուն լինելու է Փաշինյանը. Անի Սամսոնյան
- Սիսիանի եկեղեցու հոգևոր հովիվի վրա ուղիղ եթերում հարձակում գործելու կոչ հնչեցնողը ՔՊ կուսակցության անդամ է
- Հայոց եկեղեցի անգամ մոնղոլ-թաթարները չեն մտել զինված թիկնապահներով․ Սևակ Հակոբյան
- Պետական ծառայողը Սիսիանում մարդկանց տանում է հոգևորականի դեմ. Իրավապաշտպան
- Սիսիանում հոգևորականը հրաժարվեց սեղմել Փաշինյանի ձեռքը
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
