Ձեր վստահելի աղբյուրը

Մի խումբ քաղաքացիներ Նիկոլ Փաշինյանի հրաժարականի պահանջով Կառավարության դիմաց բողոքի ակցիա են իրականացնում։

«Նա 2.5 տարի բոլորիս գլուխները պտտեցրեց՝ քոչա-սերժական կլանով, իսկ հիմա ամբողջ  մեղքը  նրանց վրա է գցում։ Իրականում ինքը 2.5 տարի ոչինչ չի  արել։ Իր կարմիր բերետավորներին, որ պարապացնում են մարդ ծեծելու համար, թող տանի Արցախ, մեր զինվորները մեղք են, թող գան տուն»,-ասաց ակցիայի մասնակիցներից մեկը։

Մեկ այլ քաղաքացի էլ նշեց, որ իր որդին Մարտակերտում է այժմ, նա բոլորի անվտանգության համար է այժմ այնտեղ կանգնած։

«Ես ուզում եմ ասել արձակուրդ եկածների մայրերին, որ թղթեր չսարքեն, թե իրենց երեխաները  կորոնայով են վարակված, ինչ է տղաները երկար տանը մնան։ Դա էնտեղ վնաս է  տալիս, այնտեղ քչանում են զինվորները։ Թող հսկողություն լինի,  ես էլ կուզեի,  որ իմ երեխան էլ երկար տանը մնար։ Յոթ օր են տվել, որից երկուսն անցել է ճանապարհներին, հինգ օր արձակուրդի մեջ երեխային հո չե՞ նք թողնի,  գանք բոյկոտներ անենք։ Երեխաներին շատ քիչ ժամանակով են տուն ուղարկել . այդ երեխեքը հայրենական մեծ պատերազմ են տեսել։ Էդքանից հետո Արցախում  ծառայողներին տվել են 7-օրյա, իսկ ՀՀ-ում ծառայողներին՝ 10-օրյա արձակուրդ, տրամաբանությունը ո՞րն է»,- նեղսրտեց նա: