Ձեր վստահելի աղբյուրը

18․05

«Հարգելի ոստիկաններ, դուք ո՞ւմ եք պաշտպանում, թուրքին հայից ե՞ք պաշտպանում, գնայիք Ղարաբաղը պահեիք»,-  Կառավարության դիմաց տեղի ունեցող բողոքի ակցիայի ընթացքում հայտարարեց մասնակիցներից մեկը՝ դիմելով ոստիկանությանը։

Նշենք, որ Կառավարության շենքը քաղաքացիները դեռևս շարունակում են շրջափակման մեջ պահել։

Հիշեցնենք նաև, որ ավելի վաղ ՀՅԴ ԳՄ անդամ Իշխան Սաղաթելյանը հայտարարեց՝ մինչև ժամը՝ 18։00-ն ԱԺ «Իմ քայլը» խմբակցությանը ժամանակ տալու և պատվիրակությանը ներկայանալու մասին, որպեսզի «Հայրենիքի փրկության շարժման» հետ քննարկեն երկրում ստեղծված իրավիճակը։

17.47

«Մարդ ու կին իրենց նպատակին հասան, մենք էլ եկել ենք, որ ցույց տանք՝ մեր երեխաները չեն զոհվել ոչնչի համար»,- հանրահավաքի ընթացքում ասաց քաղաքացիներից մեկը։

Նրա խոսքով, այսօր ուղղակի անհրաժեշտություն է, որ Նիկոլ Փաշինյանը հրաժարական տա։ Քաղաքացին նշեց, որ իրենց չի հուզում՝ արդյոք Նիկոլ Փաշինյանն ուզում է գնալ, թե՞՝ ոչ, ինքը ուղղակի պետք է գնա։

«Դա իր միակ փրկությունն է։ Այո, կա խումբ, որն ուզում է, որ ինքը մնա պաշտոնին, բայց կա ժողովուրդ, որ իր հրաժարականն է պահանջում։ Այստեղ քննարկելու հարց չկա։ Եթե նա շարունակի պաշտոնավարել, էլ Հայաստան չի լինի, կլինի վիլայեթ»,- նշեց նա։

Քաղաքացին վստահեցրեց՝ մինչև Նիկոլ Փաշինյանը չգնա, քաղաքացիները հետ չեն կանգնի։

«Եթե անգամ այս միջոցով չհասնենք Փաշինյանի հրաժարականին, միևնույն է, այդ արդյունքն ունենալու ենք։ Մենք բոլորս պետք է հասկանանք, որ այլ տարբերակ չկա։ Կա՛մ հայ ժողովուրդն այս հողի վրա է ապրում, կա՛մ այս հողի վրա ապրում է այլ ժողովուրդ։ Արդեն լինել-չլինելու հարց է»,- նկատեց քաղաքացին։

Դիտարկմանը, որ Նիկոլ Փաշինյանն ասել է, թե Սյունիքից անգամ մեկ սմ հող չի հանձնվում թշնամուն, քաղաքացին արձագանքեց՝ նշելով, որ իր կարծիքով Նիկոլ Փաշինյանն ու հայ ժողովուրդը տարբեր տեղերում են ապրում։

«Ես չգիտեմ՝ ինքը որ երկրի մի թիզ հող չի զիջում, եթե արդեն Հայաստանի մեկ երրորդը զիջել է։ Ինքը չէ՞ր ասում, որ Արցախը Հայաստան է, և վերջ։ Հիմա ինքը չի՞ զիջել։ Էդ ո՞նց հասկանանք։ Եվ ընդհանրապես, արժի՞ փորձել հասկանալ, թե այդ ախմախն ինչ է խոսում, ինձ թվում է՝ չարժի»,- նշեց քաղաքացին։

17.10

Հանրահավաքի մասնակիցներից մեկը նշեց, որ հայը երեք թշնամի ունի՝ Էրդողան, Ալիև, Փաշինյան. երկուսը  թուրք են, մեկը՝ «դավաճան»։

«Սիրելի ոստիկաններ, դուք սպաներ եք, ու երդում եք տվել, կոչ եմ անում, որ ձեր երդումը հիշեք։ Դուք երդվել եք ծառայել ՀՀ-ին։ Մեր ընկերները, մեր եղբայրները մարտի դաշտում թուրքի հետ կռվելուց ընկան, իսկ դուք հիմա թուրքի եք պահում, դաժան է, չէ՞։ Աrավոտյան արթնանալուց չե՞ք մտածում, որ վատ բան եք անում։ Մի հատ աչքերիս մեջ նայեք բոլորդ, չե՞ք մտածում, որ ամոթ բան եք անում։ Ես ձեզ հասկանում եմ, բոլորդ ընտանիք ունեք, տուն, տեղ, երեխա պիտի պահեք, բայց հայ մարդու արժանապատվությունը պետք է դրանից վեր լինի, մարդը պետք է կարողանա ինչ-որ սրբություններ մի կտոր հացից վեր դասել»,- նկատեց նա։

Քաղաքացին կոչ արեց, որ ոստիկանության աշխատակիցները հիշեն իրենց երդումը և չպահեն «թուրք դավաճանին»։

16.23

Հանրահավաքի մասնակիցներից մի կին դիմեց ոստիկաններին՝ հարց հնչեցնելով, թե մի՞թե իրենց հայ մայր չի ծնել, ինչպե՞ս են իրենք համաձայնել ծառայել «թշնամուն»։

«Չէ՞ որ Նիկոլն այժմ թուրքի, թշնամու խորհրդանիշ է։ Նա երեկ Շուշին տվեց, իսկ վաղը, հավատացեք, հանձնելու է նաև Երևանը, Հանրապետության հրապարակը։ Նա չի հասկանում՝ ինչ է պետությունը, ինչ է ազգը։ Եթե ազգ ու պետություն հասկանար, ամբողջ երկու տարի մեզ հետ պայքարի մեջ չէր մտնի «Ստամբուլյան» կոնվենցիայի համար»,- ասաց քաղաքացին։

Նա տեղեկացրեց, որ ուսուցիչ է, և թեև վատ է զգում հնչեցրած բառի համար, բայց պետք է ասի՝ Նիկոլ Փաշինյանը «գոմիկների», «հոմոսեքսուալների» ղեկավար է։

«Նա ավելին չէ, նա ոչ հայ մոր ճակատ համբուրած կլինի, ոչ էլ հայ կնոջ ղադրը հասկացած կլինի։ Ես պատրաստ եմ ստորագրել մի թղթի տակ, որում կասվի՝ այս չարաբաստիկ պատերազմը նա հրավիրեց իր երերացող իշխանությունը պահելու համար, նա ոչ միայն հրահրեց պատերազմ, այլ նաև կործանեց հազարավոր երեխաների՝ միմիայն մի նպատակով՝ փող ունենալու։ Այդ վախկոտը, այդ մորթապաշտը հայ չէ, նա Էրդողանի հարեմի հարճ է, նա Հայաստանի ղեկավար չի կարող մնալ։ Հայրենակիցներ, ոտքի ելեք, մեր երկիրն է կործանվում։ Սիրելի ոստիկաններ, ես որպես մայր, որպես տատ, որպես ձեզնից մեկն եմ խնդրում, հրաժարվեք, այս ճիվաղին մի ենթարկվել»,- կոչ անելով ասաց քաղաքացին։

15.48

Ազգային ժողովի նախկին փոխնախագահ Արփինե Հովհաննիսյանի կարծիքով, Նիկոլ Փաշինյանը չի հասկանում, թե ինչ է արել: Ըստ նրա, Փաշինյանը 2.5 տարվա ընթացքում պարտության է տարել ՀՀ-ն։

«Մենք պարտվել ենք այն օրը, երբ Նիկոլ Փաշինյանը մեզ թշնամացրեց։ Նա սկսեց զրոյական կետից, և այժմ էլ Հայաստանը տանում է զրոյական կետի»,- այսօր Հանրապետության հրապարակում անցկացվող հանրահավաքի ընթացքում ասաց նա։

«Նա՝ մեծ տերեր ունեցող փոքր մարդը, վաճառում էր մեր հայրենիքը, երբ մենք զբաղված էինք իրար ատելով, թշնամություն անելով: Նիկոլ Փաշինյանն ինքն է պարտվել և ուզում է ապացուցել, թե Հայաստանն է պարտվել: 44 օրվա ընթացքում նա սպանում էր քո հորը, քո ամուսնուն, քո և իմ եղբորը, որպեսզի պահեր իր աթոռը։  Եվ դրա համար այս մարդը արժանի չէ ընդհանրապես հայրենիք ունենալու»,- նկատեց Արփինե Հովհաննիսյանը։

Նա կոչ արեց քաղաքացիներին՝ դուրս գալ փողոց և իրականացնել իրենց միակ, վերջին կամ գուցե հերթական առաքելությունը՝ փրկել հայրենիքը։

«Եվ հենց հիմա դուրս արի փողոց, արի հրապարակ, պայքարը ֆեյսբուքում չէ, ուղիղ եթերում չէ, պայքարն այստեղ է»,- նշեց նա։

15.13  
«Այլընտրանքային նախագծեր» խմբի անդամ Էլինար Վարդանյանն այսօր՝ Նիկոլ Փաշինյանի հրաժարականի պահանջով հանրահավաքի ընթացքում, դիմեց իմքայլական պատգամավորներին։
          
«2.5 տարի մենք տեսնում էինք, թե ուր է տանում Նիկոլ Փաշինյանը երկիրը. այդ ընթացքում նա ստեղծել էր մի համակարգ, որն այսօր պետք է պաշտպաներ իրեն: Հարգելի իմքայլականներ, ես վստահ եմ, որ դուք տեղյակ չեք եղել, թե ինչ է անում Նիկոլ Փաշինյանը, տեղյակ չեք եղել, որ Նիկոլ Փաշինյանը երկիրը տանում է պատերազմի, ինչ բանակցություններ է վարում, դուք տեղյակ չեք եղել, որ Նիկոլ Փաշինյանը ստորագրում է կապիտուլյացիայի պայմանագիր: Ուրեմն հերթը ձերն է, պետք է անեք ձեր քայլը։

Դուրս եկեք խմբակցությունից, պահանջեք Նիկոլ Փաշինյանի հրաժարականը»,- ասաց նա։

Նրա խոսքով, այդ քայլով իմքայլականները կարող են իրենց վրայից հանել կապիտուլյացիայի, զոհերի և անհետ կորածների մեղքը։

13.49
Բանաստեղծ Ռազմիկ Դավոյանը նշեց, որ չի ողջունել այս իշխանությունների իշխանության գալը, ըստ նրա, դա աղետ էր։

«Այս իշխանությունները վայրկյան առաջ պետք է հեռանան։ Ո՞վ կմտածեր, որ գալու է իշխանություն, որ ժողովրդի սերը, նվիրումը ոտնատակ տալով՝ կդավաճանի Արցախին։ Ես որևէ ժողովրդի նկատմամբ ատելություն չունեմ, ես ատելություն ունեմ ոճրագործ իշխանությունների հանդեպ։ Ով կմտածեր, որ Հայաստանում պիտի գա իշխանություն, որի երազանքը պետք է լինի Հայաստանը դարձնել Ադրբեջանի գաղութ և դրա միջոցով՝ դարձնել նաև Թուրքիայի գաղութ։ Պետք է հեռանան ամբողջ վարչակազմով․ ո՛չ նրանց ներկայությանը»,-ասաց նա։

13.13
Մեկնարկել է ՀՀ գործող վարչապետ Նիկոլ Փաշինյանի հրաժարականի պահանջով «Հայրենիքի փրկության շարժման» հանրահավաքը։

ՀՅԴ-ական գործիչ Գեղամ Մանուկյանը հայտնեց, որ այսօր ժամը 12.00-ից ողջ հանրապետությունում հայտարարվել է համապետական գործադուլ և դասադուլ, և դա արվել է մեկ պահանջով՝ Կառավարության շենքում նստած, վարչապետի աթոռին սոսնձված, հայրենիքը կորցրած, ժողովրդին դավաճանած, երկիրը պառակտած, հասարակությանը թշնամացրած մարդու հեռացում։   

«Անցնող մեկ ամսվա ընթացքում  մենք ունեինք մեկ կարգախոս՝ «Առանց Նիկոլ Հայաստան», բայց բազմաթիվ մեր հայրենակիցներ մոտենում և խնդրում էին, առաջարկում էին այլևս չտալ Նիկոլ անունը, կոչ էին անում կարգախոսը փոխել, քանի որ իրենց հոգեկանի վրա սկսել է ազդել այդ անունը։

Նա 2.5 տարվա  ընթացքում հասավ մի կետի, որ մարդիկ զզվում են արտաբերել Նիկոլ անունը։ Եվ հիմա առաջարկում եմ, որ ասենք՝ «Առանց դրա Հայաստան»։ Սիրելի հայրենակիցներ, լուսավոր կետերից մեկը, որ բոլոր հանրահավաքներում տեսել եմ, այն էր, որ մարդիկ իրենց զավակների հետ են եղել այստեղ։ Վարչապետի աթոռ գրկած մարդը մի անգամ էլ թող համոզվի, որ մենք մեծ ընտանիք ենք»,- շեշտեց նա։

Ըստ Գեղամ Մանուկյանի, ով փորձել է միասնական ընտանիքը պառակտել, այտեղ սևեր ու սպիտակներ տարանջատել, պետք է դուրս շպրտվի.

«Եվ դրա համար՝ «Առանց դրա Հայաստան»...»։