Ձեր վստահելի աղբյուրը

«Մենք բոլորիդ, այդ թվում, պարո՛ն Մարության, նաև ձեզ, կոչ ենք անում, որ միանաք «Հայրենիքի փրկության շարժմանը և մասնակցեք այսօր գործադուլին և դասադուլին»,- այսօր դեկտեմբերի 22-ին, Երևանի ավագանու նիստում նշեց ԲՀԿ խմբակցության անդամ Հռիփսիմե Առաքելյանը:

Ավագանու անդամը նկատեց, որ այլ օրակարգ երկրում չկա, միակ օրակարգը Նիկոլ Փաշինյանի հրաժարականն է:

«Ես առավել քան վստահ եմ, որ ձեր շարքերում բազում գործընկերներ  ունեք և ձեր հույսերը, որ պոռթկում է տարատեսակ վայրերում, որ անհամաձայնություններ ունեք շատ հարցերում և շատ լվ պատկերացնում եք, որ  այս ամենը հասել է իր տրամաբանական հանգրվանին ու ավարտին: Ես վստահ եմ, որ դուք հասկանում եք, թե հետագան ինչ ավելի դժգույն է լինելու: Կոչ եմ անում բոլորս ուղևորվենք Հանրապետության հրապարակ՝ պահանջելու այն մարդու հրաժարականը, որը կապիտուլյացիոն հայտարարություն է ստորագրել»,-հայտարարեց Առաջելյանը:

Նա նաև տեղեկացրեց, որ նախորդ օրը Աջափնյակ վարչական մարմնի աշխատող մի երիտասարդ հայտարարել է, թե ով դպրոցի տնօրեններից կգնա ու կմասնակցի հանրահավաքներին կամ որևէ աշակերտ, հանելու են աշխատանքից:

«Պարոն Մարության, էս ի՞նչ հրահանգներ եք տալիս ձեր ներքո աշխատող կառույցների աշխատակիցներին»,-քաղաքապետին դիմեց «Բարգավաճ Հայատսատն» խմբակցության անդամը և հայտարարեց, որ ինքն այդ երիտասարդին ֆեյսբուքում բնորոշել է որպես «միստր փուսքյուլ»:

Հայկ Մարությանը խոստացավ, որ եթե որևէ մեկը հակաօրինական հայտարարություններ է անում, համապատասխան միջոցներ կձեռնարկի: